بيىل قازاقستان مۇنايى ازەربايجان ارقىلى تاسىمالدانادى - رومان ۆاسيلەنكو

استانا. قازاقپارات – ب ا ق وكىلدەرىنىڭ قاتىسۋىمەن وتكەن بريفينگتە سىرتقى ىستەر ءمينيسترىنىڭ ورىنباسارى رومان ۆاسيلەنكو بيىل «اقتاۋ-باكۋ» باعىتىندا مۇناي تاسىمالداۋ ىسكە قوسىلاتىنىن ايتتى، دەپ حابارلايدى قازاقپارات ءتىلشىسى.

ءمينيستردىڭ ورىنباسارى قازاقستان ءوز اۋماعى ارقىلى وتەتىن بارلىق باعىتتاعى ترانزيتكە شەكتەۋ قويمايتىنىن ءمالىم ەتتى.

«بۇگىندە تەك «شىعىس-باتىس» قانا ەمەس، «سولتۇستىك-وڭتۇستىك» باعىتى دا بار. وسىعان دەيىن ورتا باعىت ايتىلدى. ءبىراق وڭتۇستىك باعىت تا بار. ول تۇرىكمەنستان مەن يران ارقىلى وتەدى. بىلتىر پرەزيدەنت يرانعا بارىپ، تاۋاردى تۇركيا ارقىلى سول ەلگە جىبەرۋ بويىنشا كەلىسىمدەر جۇرگىزدى»، - دەدى رومان ۆاسيلەنكو.

ونىڭ ايتۋىنشا، قازىر مۇناي ەكسپورتى بىرنەشە ماڭىزدى باعىت بويىنشا جولعا قويىلعان.

«ونىڭ ىشىنە رەسەي ارقىلى وتەتىن باعىتتار كىرەدى. كاسپيي قۇبىر كونسورتسيۋمى، «اتىراۋ-سامارا» قۇبىرى، «ماحاچكالا-اقتاۋ» باعىتتارى بار. بيىلدان باستاپ «اقتاۋ-باكۋ» باعىتىنداعى تاسىمالداۋ ىسكە قوسىلادى. ياعني، مۇناي ازەربايجان ارقىلى تاسىمالدانادى»، - دەپ ءتۇسىندىردى ول.