يمانعالي تاسماعامبەتوۆ پەن سادىر جاپاروۆ نە تۋرالى سويلەستى؟
كەزدەسۋدە قىرعىز پرەزيدەنتى مەن ۇ ق ش ۇ باس حاتشىسى وڭىرلىك قاۋىپسىزدىك پەن تۇراقتىلىقتى قامتاماسىز ەتۋ ماسەلەلەرى، سونداي-اق، ۇيىم اياسىنداعى ءوزارا ءىس-قيمىلدىڭ باسىم باعىتتارى بويىنشا پىكىر الماستى.
سادىر جاپاروۆ يمانعالي تاسماعامبەتوۆتى جاڭا قىزمەتكە كىرىسۋىمەن قۇتتىقتاپ، ءوزىنىڭ ومىرلىك جانە كاسىبي تاجىريبەسىن ۇيىمنىڭ ماقساتتارى مەن مىندەتتەرىن وڭىرلىك جانە حالىقارالىق قاۋىپسىزدىكتى نىعايتۋ جولىندا جۇمسايتىنىنا سەنىم ءبىلدىردى.
يمانعالي تاسماعامبەتوۆ ۇجىمدىق قاۋىپسىزدىك شارتى ۇيىمىنىڭ 2023-جىلعا جوسپارلانعان باسىمدىقتارى تۋرالى باياندادى.
«ۇ ق ش ۇ شەشىمدەرىن ىسكە اسىرۋ جونىندەگى ءىس-شارالار جوسپارىن ءتوراعالىق ەتۋشى تاراپ بەلارۋس پرەزيدەنتى الەكساندر لۋكاشەنكو بەكىتتى. ءبىز ونى جۇزەگە اسىرۋعا كىرىستىك. ول ءبىزدىڭ ۇيىمنىڭ قۇزىرەتىندەگى بارلىق سالانى جانە ءتوراعالىق ەتۋشى تاراپتىڭ باسىمدىعىن كورسەتەدى»، - دەدى ۇ ق ش ۇ باس حاتشىسى.
سادىر جاپاروۆ قىرعىزستاننىڭ ايماقتاعى قاۋىپسىزدىك كەپىلى رەتىندە ۇ ق ش ۇ اياسىنداعى ىنتىماقتاستىققا ۇلكەن ءمان بەرەتىنىن ايتتى. اسكەري، اقپاراتتىق جانە گۋمانيتارلىق سيپاتتاعى شارالاردى ۇيلەستىرۋ ماقساتىندا قىرعىزستان بيىل ءوز اۋماعىندا ۇ ق ش ۇ- نىڭ «مىزعىماس باۋىرلاستىق-2023» بىتىمگەرشىلىك كۇشتەرىمەن وقۋ-جاتتىعۋلار وتكىزۋدى جوسپارلاپ وتىر.
«قىرعىزستان ۇ ق ش ۇ ءرولى مەن بەدەلىن ارتتىرۋعا مۇددەلى. ۇيىمنىڭ ۇ ق ش ۇ- عا مۇشە مەملەكەتتەردىڭ ۇلتتىق قاۋىپسىزدىگىن قامتاماسىز ەتۋ ءۇشىن جاعداي جاساۋ ءۇشىن كوپ مۇمكىندىگى بار»، - دەدى سادىر جاپاروۆ.
قىرعىزستان پرەزيدەنتى ۇ ق ش ۇ قۇزىرەتىنىڭ بارلىق اسپەكتىسى بويىنشا وڭىرلىك ىنتىماقتاستىقتى دامىتۋدى دايەكتى تۇردە نىعايتۋ، قاۋىپسىزدىككە ءتونىپ تۇرعان سىن-قاتەرلەرگە جەدەل دەن قويۋعا قابىلەتتى اسكەري-ساياسي حالىقارالىق ۇيىم رەتىندە الەۋەتتى ارتتىرۋ بويىنشا بىرلەسكەن كۇش-جىگەردىڭ ماڭىزدىلىعىن العا تارتتى.