ماجارستانداعى قازاقستاندىق ستۋدەنتتەر ءۇشىن ستيپەنديالىق باعدارلامانىڭ مەرزىمى ۇزارادى

None
استانا. قازاقپارات - ماجارستاندا ءبىلىم الاتىن قازاقستاندىق ستۋدەنتتەر ءۇشىن «Stipendium Hungaricum» ستيپەنديالىق باعدارلاماسىنىڭ مەرزىمى ۇزارادى.

بۇل تۋرالى ب ا ق وكىلدەرىنىڭ قاتىسۋىمەن وتكەن بريفينگىدە سىرتقى ىستەر ءمينيسترىنىڭ ورىنباسارى رومان ۆاسيلەنكو مالىمدەدى، دەپ حابارلايدى قازاقپارات ءتىلشىسى.

«سىرتقى ىستەر مينيسترلىگى حالىقارالىق اكادەميالىق بايلانىستاردى كەڭەيتۋ، ءبىرقاتار بىرلەسكەن ءبىلىم بەرۋ جانە مادەني باستامالاردى ىسكە اسىرۋ جونىندەگى جۇمىستى جالعاستىرۋدا. وسىلايشا، ۆەنگريالىق تاراپپەن قازاقستاندىق ستۋدەنتتەر ءۇشىن «Stipendium Hungaricum» ۆەنگريالىق ستيپەنديالىق باعدارلاماسىن ۇزارتۋ تۋرالى ۋاعدالاستىققا قول جەتكىزىلدى. سونداي-اق، قازاقستان «erasmus+» جانە «Horizon Europe» سياقتى اكادەميالىق جانە عىلىمي الماسۋدىڭ ماڭىزدى باعدارلامالارىنا ودان ءارى قاتىسۋعا مۇددەلى»، - دەدى رومان ۆاسيلەنكو.

ونىڭ دەرەگىنشە، قازىر قازاقستاندا 5 شەتەلدىك جوعارى وقۋ ورىندارىنىڭ فيليالدارى جۇمىس ىستەيدى. سونىمەن قاتار، تاياۋدا شوتلانديانىڭ حەرريوت-ۋوتت ۋنيۆەرسيتەتىنىڭ اقتوبە وڭىرلىك ۋنيۆەرسيتەتىنىڭ بازاسىندا فيليالىن اشۋ جوسپارلانۋدا.


سوڭعى جاڭالىقتار