قازاقستان ب ۇ ۇ قاۋىپسىزدىك كەڭەسى مۇشەلىگىنە تاعى دا كانديداتۋراسىن ۇسىنادى

استانا. قازاقپارات - قازاقستان ب ۇ ۇ قاۋىپسىزدىك كەڭەسى مۇشەلىگىنە تاعى دا كانديداتۋراسىن ۇسىنادى.

بۇل تۋرالى سىرتقى ىستەر ءمينيسترىنىڭ ءبىرىنشى ورىنباسارى قايرات وماروۆ ايتتى، دەپ حابارلايدى قازاقپارات ءتىلشىسى.

«2016-جىلى قازاقستان ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلاندى. بۇل حالىقارالىق مويىنداۋدىڭ ءبىر بەلگىسىنە اينالدى جانە دە ءبىز تەك ەلىمىزدە عانا ەمەس، بۇكىل ورتالىق ازيا ءوڭىرىن ءتيىمدى پاش ەتتىك. كەڭەس جۇمىسىنا دا ۇلەس قوسىپ كەلەمىز. بۇگىندە ءبىز مۇنداي تاجىريبەنى قايتالاي الامىز دەپ ۇمىتتەنەمىز. سوندىقتان ب ۇ ۇ قاىپسىزدىك كەڭەسىن سايلاۋ بارىسىندا قازاقستاننىڭ كانديداتۋراسى قولداۋ تابادى دەپ ءۇمىت ارتامىز»، - دەدى قايرات وماروۆ ەلوردادا «قازاقستانداعى بىرىككەن ۇلتتار ۇيىمىنا 30 جىل جانە ب ۇ ۇ- نىڭ 2021-2025-جىلدارعا ارنالعان تۇراقتى دامۋ ىنتىماقتاستىعى شەڭبەرىنىڭ باسقارۋشى كوميتەتى» تاقىرىبىندا وتكەن ءىس-شارا بارىسىندا.

ول وتكەن جىلدىڭ قازانىندا استانادا ازياداعى ءوزارا ءىس-قيمىل جانە سەنىم شارالارى كەڭەسىنىڭ ءسامميتى وتكەنىن وعان ازەربايجان، بەلارۋس، يراك، يران، قىرعىزستان، پالەستينا، تاجىكستان، رەسەي، تۇركيا، وزبەكستان پرەزيدەنتتەرى، قاتار ءامىرى، ۆەتنام ۆيتسە-پرەزيدەنتى، ق ح ر ءتوراعاسىنىڭ ورىنباسارى، مينيستر قاتىسقانىن اتاپ ءوتتى.

«بۇل باستامالاردىڭ ومىرشەڭ ەكەندىگىن اتاپ ءوتۋ ماڭىزدى. بۇل ءتۇرلى ۇيىمداردى، ونىڭ ىشىندە حالىقارالىق ۇيىمداردى ينستيتۋتسيالاندىرۋدىڭ ارقاسىندا ورىن الدى. وسىنداي قىسقا كەزەڭ ىشىندە ءبىز وتە كوپ بىرلەسكەن جۇمىستى اتقارا الدىق. سونىمەن قاتار قازاقستان ءدىني ورتالىقتار مەن وركەنيەتتەردىڭ جاھاندىق ورتالىعىنا اينالدى. وتكەن جىلى الەمدىك جانە ءداستۇرلى دىندەر كوشباسشىلارىنىڭ VII سەزى ب ۇ ۇ قولداۋىمەن ءوتتى»، - دەدى ول.