17:35
10 ناۋرىز, 13:21
ق ر پرەزيدەنتى ق ح ر ءتوراعاسى شي جينپيڭدى قۇتتىقتادى
استانا. قازاقپارات - مەملەكەت باسشىسى قاسىم- جومارت توقايەۆ شي جينپيڭدى قىتاي حالىق رەسپۋبليكاسىنىڭ ءتوراعاسى لاۋازىمىنا قايتا سايلانۋىمەن قۇتتىقتاپ، جەدەلحات جولدادى.
بۇل تۋرالى قازاقپارات اقوردانىڭ رەسمي سايتىنا سىلتەمە جاساپ حابارلايدى.
«وتكەن «ەكى سەسسيا» قورىتىندىسى بويىنشا قابىلدانعان ماڭىزدى شەشىمدەر مەن ءسىزدىڭ پاراساتتى ساياساتىڭىز حالقىڭىزدى بيىك قۇندىلىقتارعا جەتەلەپ، قىتايدىڭ بولاشاعىن جارقىن، ال دامۋىن باياندى ەتۋدە مىزعىماس نەگىز بولاتىنىنا نىق سەنىمدىمىن. قازاقستان مەن قىتاي اراسىنداعى تىعىز بايلانىستاردىڭ اۋقىمى جىلدان جىلعا كەڭەيىپ كەلە جاتقانىن اسا ريزاشىلىقپەن اتاپ وتەمىن. وسى جەتىستىكتەرىمىز ءسىزدىڭ قوسىپ وتىرعان سۇبەلى ۇلەسىڭىز بەن جەكە قولداۋىڭىزدىڭ ناتيجەسى دەپ بىلەمىن. بىلتىر قىركۇيەكتە قازاقستانعا جاساعان ناتيجەلى ساپارىڭىز ىقپالداستىعىمىزدىڭ كەلەسى «30 جىلدىق التىن داۋىرىنە» جول اشقانى ەرەكشە قۋانتادى»، - دەپ جازىلعان جەدەلحاتتا.
پرەزيدەنت قىتاي ءتوراعاسىنىڭ يگى باستامالارىنا ساتتىلىك، جاۋاپتى قىزمەتىنە تولاعاي تابىس، ال دوستاس قىتاي حالقىنا قۇت- بەرەكە تىلەدى.
وسىعان دەيىن شي جينپيڭنىڭ ءۇشىنشى مەرزىمگە ق ح ر باسشىسى بولىپ قايتا سايلانعانى حابارلاندى.
سونداي-اق... وقىڭىز
جاڭالىقتار
17:16
16:59
16:44
16:28
16:12
15:55
15:34
15:11
14:38
14:25
14:07
13:38
13:24
13:04
12:54
12:41
12:26
12:08
11:55