مەملەكەتتىك تىلدە تاڭبا بولماعان: كوكشەتاۋدا «گەليوس» جانارماي قۇيۋ ستانسياسىنا ايىپپۇل سالىندى

كوكشەتاۋ. قازاقپارات - كوكشەتاۋدا مەملەكەتتىك تىلدە تاڭبا سالىنباعان موتور مايلارىن ساتقان «گەليوس» جانارماي قۇيۋ ستانسياسىنا ايىپپۇل سالىندى، دەپ حابارلايدى قازاقپارات ءتىلشىسى ق ر ساۋدا جانە ينتەگراتسيا مينيسترلىگى تەحنيكالىق رەتتەۋ جانە مەترولوگيا كوميتەتىنىڭ باسپا ءسوز قىزمەتىنە سىلتەمە جاساپ.

ۆەدومستۆونىڭ مالىمەتىنشە، ق ر س ي م تەحنيكالىق رەتتەۋ جانە مەترولوگيا كوميتەتىنىڭ اقمولا وبلىسى بويىنشا دەپارتامەنتى «قازاقستان اۆتوحيمياسىن وندىرۋشىلەر مەن تۇتىنۋشىلار قاۋىمداستىعى» زاڭدى تۇلعالار بىرلەستىگىنىڭ «گەليوس» ج ش س كوكشەتاۋ فيليالىنا قاتىستى «مايلاۋ ماتەريالدارىنا، مايلارعا جانە مايلارعا قويىلاتىن تالاپتار تۋرالى» ارنايى سۇيىقتىقتارعا (بۇدان ءارى- ك ق ت ر 030/2012) كەدەن وداعىنىڭ تەحنيكالىق رەگلامەنتىنىڭ تالاپتارىن ساقتاۋعا قاتىستى ءوتىنىشى بويىنشا جوسپاردان تىس تەكسەرىس جۇرگىزگەن.

«تەكسەرىس بارىسىندا موتور مايىنىڭ تاڭبالانۋ بولىگىندە ك ق ت ر 4.4 تارماعىنىڭ تالاپتارىنا سايكەس مەملەكەتتىك تىلدە اقپارات جوق ەكەنى انىقتالدى. سونداي- اق ۇسىنىلعان بەينەماتەريالدار بويىنشا زاڭدى تۇلعانىڭ تالابى بويىنشا ساپا پاسپورتىنىڭ كوشىرمەسىن نەمەسە قاۋىپسىزدىك پاسپورتىنىڭ كوشىرمەسىن ساتۋشىنىڭ ۇسىنباۋى جايلى دەرەكتەر تىركەلدى»، - دەدى ۆەدومستۆودان.

وسى رەتتە، «گەليوس» ج ش س كوكشەتاۋ فيليالىنا قاتىستى اكىمشىلىك قۇقىق بۇزۋشىلىق تۋرالى حاتتاما تولتىرىلدى. جالپى سوماسى 414000 (ءتورت ءجۇز ون ءتورت مىڭ) تەڭگەگە اكىمشىلىك جازا قولدانىلدى. سونىمەن بىرگە، قولدانىستاعى زاڭناما نورمالارى، سونداي- اق وسى نورمالاردى قايتا بۇزعانى ءۇشىن جاۋاپكەرشىلىك بارى ءتۇسىندىرىلدى.

ايتا كەتسەك، حالىقتى جۇمىسپەن قامتۋ ورتالىعىنىڭ باسشىسى پارا العانى ءۇشىن سوتتالدى.

اۆتور

اسلان وسپانوۆ