بلوگەر الەمدەگى ەڭ ۇلكەن باسسەيندى كورسەتتى - ۆيدەو

استانا. قازاقپارات - بۇگىندە جۇرتتى باسسەينمەن تاڭعالدىرۋ مۇمكىن ەمەس شىعار، سەبەبى بارلىعىنىڭ فۋنكسياسى ءبىر: شومىلۋ ايماعى، ادام وتىراتىن اعاش نە پلاستماسسادان جاسالعان كەرەۋەتتەر. قوناقۇيلەر تاعى نەسىمەن تاڭعالدىرۋى مۇمكىن.

تاڭعالدىرۋعا ءبىر سەبەپ بار ەكەن. كولەمى! الەمدەگى ەڭ ۇلكەن باسسەيننىڭ ۇزىندىعى مىڭ مەتردەن اسادى، ال اۋماعى - سەگىز گەكتار بولادى، - دەپ حابارلايدى Tengritravel.kz ءتىلشىسى Rambler.

گيننەسستەر رەكوردى كىتابىنا ەنگەن باسسەين San Alfonso del Mar دەپ اتالادى. ول چيليدىڭ الگارروبو كۋرورتىندا تىنىق مۇحيتىنان بىرنەشە شاقىرىم جەردە ورنالاسقان جانە سول ماڭايداعى قوناقۇيدەردىڭ مەيماندارى وسى باسسەيندە شومىلا الادى.

باسسەيندى تۋريستەردى تارتۋ ءۇشىن سالعان. تىنىق مۇحيتىنىڭ سۋى ايتارلىقتاي سالقىن ءارى وندا اكۋلالار جۇزەدى، سول سەبەپتى كاسىپكەرلەر مۇحيت سۋىن جىلىتىپ، لاگۋنا سالۋدى ۇيعارعان. وندا 250 ميلليون ليتر سۋ بار.

قۇرىلىس جۇمىستارى بەس جىل بويى جۇرگىزىلگەن. شامامەن 1,5 ميلليارد دوللار جۇمسالعان، سونداي- اق بۇدان كوپ سوما ونىڭ قىزمەتىنە جۇمسالادى ەكەن. الايدا كوروناۆيرۋس پاندەمياسىنا بايلانىستى وندا كەلۋشىلەر وتە از.

الەمدەگى ەڭ ۇلكەن باسسەيننىڭ ۆيدەوسى تريەۆەل-بلوگەر ۇسىندى.