گەرمانيادا قازاقتىڭ كيىز ءۇيى كوپشىلىكتىڭ قىزىعۋشىلىعىن تۋدىردى
ءىس-شارا پاندەمياعا بايلانىستى ءۇش جىلدىق ۇزىلىستەن كەيىن العاش رەت ءوتتى، دەپ حابارلايدى Egemen.kz.
«Kazakh Tourism ۇ ك» ا ق ۇيىمداستىرعان ستەند قوناقتاردىڭ ەرەكشە نازارى مەن قىزىعۋشىلىعىنا بولەندى. كورمەنى تاماشالاۋعا كەلگەن قوناقتارعا وتاندىق قولونەر شەبەرلەرى مەن سۋرەتشىلەردىڭ تابيعي ماتەريالداردان جاسالعان اشەكەيلەرىمەن بەزەندىرىلگەن قازاقتىڭ كيىز ءۇيى ەرەكشە ۇنادى.
زاماناۋي ۇلتتىق تاعامدارىمىز دا كەلۋشىلەردىڭ كوڭىلىنەن شىقتى. قازاقستاندىق دەلەگاتسيانىڭ باسىم بولىگىن وتاندىق تۋربيزنەس ماماندارى قۇرادى. بەرليندەگى كورمەگە قازاقستاندىق تۋريستىك كومپانيالار مەن قوناقۇيلەردىڭ 30 وكىلى قاتىستى.
«بۇل كورمەدە ءبىزدىڭ تۋربيزنەس وكىلدەرى بولاشاق سەرىكتەستەرمەن ىسكەرلىك بايلانىس ورناتادى. ءبىزدىڭ ستەند كەلۋشىلەر تاراپىنان قازاقستانعا ۇلكەن قىزىعۋشىلىق تۋدىردى. سونىمەن قاتار Kazakh Tourism ەلىمىزگە نەمىس تۋريستەرىن تارتۋ باعىتىندا ەڭ ءىرى حالىقارالىق تۋريستىك بىرلەستىكتەردىڭ ءبىرى - PATA وڭىرلىك وكىلدىگىمەن تىعىز جۇمىس ىستەۋدى جوسپارلاپ وتىر»، دەدى «Kazakh Tourism ۇ ك» ا ق باسقارما ءتوراعاسى تالعات امانبايەۆ.
ايتا كەتەيىك، ITB Berlin - تۋريزم سالاسىنداعى ۇيىمدار ءۇشىن الەمدەگى ەڭ ءىرى B2B كورمە بولىپ سانالادى.