شي جينپيڭ ءۇشىنشى مەرزىمگە ق ح ر باسشىسى بولىپ قايتا سايلاندى

بەيجىڭ. قازاقپارات – جالپى قىتايلىق حالىق وكىلدەرى جيىنىنىڭ (ج ح ءو ج، پارلامەنت) دەپۋتاتتارى شي جينپيڭدى ءۇشىنشى بەس جىل مەرزىمگە ق ح ر ءتوراعاسى قىزمەتىنە سايلادى. بۇل تۋرالى جۇما كۇنى «شينحۋا» اگەنتتىگى مالىمدەدى، دەپ حابارلايدى قازاقپارات ءتىلشىسى.

ج ح ءو ج دەپۋتاتتارى داۋىس بەرۋ كەزىندە ءبىراۋىزدان شي جينپيڭدى قولدادى.

سونداي-اق شي جينپيڭ ق ح ر ورتالىق اسكەري كەڭەسىنىڭ ءتوراعاسى قىزمەتىنە دە قايتا سايلاندى.

قىتاي كوممۋنيستىك پارتياسى ورتالىق كوميتەتىنىڭ ساياسي بيۋروسى تۇراقتى كوميتەتىنىڭ مۇشەسى جاۋ لىجي جالپى قىتايلىق حالىق وكىلدەرى جيىنى تۇراقتى كوميتەتى - ەلدىڭ جوعارعى زاڭنامالىق ورگانىنىڭ ءتوراعاسى قىزمەتىنە سايلاندى.

سونىمەن قاتار ج ح ءو ج دەپۋتاتتارى حان جىڭدى ق ح ر ءتوراعاسىنىڭ ورىنباسارى لاۋازىمىنا سايلادى.

داۋىس بەرۋ 14-شاقىرىلىم ج ح ءو ج ءبىرىنشى سەسسياسىنىڭ ءۇشىنشى پلەنارلىق وتىرىسى كەزىندە ءوتتى.

2023 -جىلدىڭ 5-13- ناۋرىزى ارالىعىندا بەيجىڭدە جىل سايىنعى ج ح ءو ج سەسسياسى ءوتىپ جاتىر.