قىتاي وربيتاعا ەكى قاشىقتان زوندىلاۋ سپۋتنيگىن شىعاردى

بەيجىڭ. قازاقپارات - قىتايدىڭ وربيتاعا ەكى Tianhui-6 قاشىقتان زوندىلاۋ سپۋتنيگىن شىعارۋى ءساتتى اياقتالدى، دەپ حابارلايدى قازاقپارات «شينحۋا» اگەنتتىگىنە سىلتەمە جاساپ.

ولاردىڭ مالىمەتىنشە، سپۋتنيكتەر قىتايدىڭ سولتۇستىگىندەگى تايۋان عارىش ايلاعىنان جۇما تاڭەرتەڭ «چاڭجىڭ-4 س» زىمىران- تاسىعىشىنىڭ كومەگىمەن ۇشىرىلعان. ول وسى سەرياداعى 465-زىمىران- تاسىعىش.

Tianhui-6 سپۋتنيكتەرى گەوگرافيالىق اقپاراتتى كارتوگرافيالاۋ، تابيعات رەسۋرستارىن ساناۋ مەن عىلىمي تاجىريبەلەر جۇرگىزۋگە پايدالانىلادى.

بيىلعى 2023 -جىل قىتاي عارىش سالاسى ءۇشىن جەمىستى جىل بولماق. عارىشقا ۇشقان سپۋتنيكتەر سانى بويىنشا قىتاي كوشباسشىلىعى قالىپتى جاعدايعا اينالدى. قىتاي اەروعارىش عىلىمى جانە تەحنولوگياسى كورپوراتسياسى بيىل عارىشقا 200 عارىش اپپاراتىن جىبەرۋ ءۇشىن 70 كە جۋىق ۇشىرۋ ۇيىمداستىرۋدى جوسپارلاپ وتىر. سول ارقىلى ۇلتتىق كوسموناۆتيكا تاريحىنداعى رەكوردىن جاڭارتادى.