الماتىلىق ەر ازامات كيىم تىگۋدىڭ جاڭا تەحنولوگياسىن مەڭگەرگەن
ورتا مەكتەپتى بىتىرە سالىپ، تىگىنشىلىكتى مەڭگەرگەن شەبەردىڭ ەرەكشەلىگى نەدە؟ باقداۋلەت قازىر كوكتەم مەن كۇز مەزگىلدەرىندە كيۋگە ارنالعان پالتو تىگىپ جاتىر. تاپسىرىس بەرۋشى شيبارقىت ماتاسىن ۇناتىپتى. باستى ماقسات - دەنەگە قونىمدى، تەرلەتپەيتىن سىرت كيىم تىگۋ. مۇنىڭ سىرى جاڭا تەحنولوگيادا جاتىر، - دەيدى جاس شەبەر. بۇل كەڭەستىك كەزدەن قالىپتاسقان ەسكى ادىستەن وزگەشە. كيىمنىڭ ۇساق بولشەكتەرى قولمەن تىگىلەدى. جەلىم پايدالانىلمايدى. ءبىر كوستيۋمدى تىگۋگە ءبىر اي ۋاقىت كەتەدى ەكەن.
باقداۋلەت پارساحانوۆ، تىگىنشى:
- تەحنولوگيا «bespoke» دەپ اتالادى. ءبىزدىڭ كوستيۋمدەر % 70-90- كە قولمەن تىگىلەدى. بىرىنشىدەن، جانە بارلىق قاعاز ۇلگىلەر، پيدجاكتىڭ، سونىڭ ەشقانداي دايىن ۇلگىسىن قولدانبايمىز، تەك كليەنتتىڭ ولشەمدەرىن الامىز دا، سول ولشەمدەرمەن بەلگىلى ءبىر فورمۋلالار ارقىلى سول كليەنتكە عانا شاق بولىپ كەلەتىن پيدجاك تىگەمىز، كوستيۋم تىگەمىز.
مىناداي ۇلگىدەگى كوستيۋمدەردى تەك ءسان جۋرنالىنان كورۋگە كوز ۇيرەنگەن. شىن مانىندە، باقداۋلەتتىڭ قولىنان شىققان كلاسسيكالىق كيىمدەر بۇدان ەش كەم ەمەس. ماسەلەن، ۇستىندەگى كوستيۋم ءوز قولىنان شىققان. ايتپاقشى، باقداۋلەتتىڭ ينە ۇستاپ، تىگىن تىگۋىنە اناسى قارسى بولىپتى. ءبىراق ىزدەنە ءجۇرىپ، ۇستازى اسەت ايمانوۆتان نەبارى 6 ايدىڭ ىشىندە كوستيۋم تىگۋدى مەڭگەرىپ العان سوڭ تاڭداۋىنىڭ دۇرىستىعىنا اناسىنىڭ كوزى جەتەدى.
باقداۋلەت پارساحانوۆ، تىگىنشى:
- اتا- انام باسىندا قارسى بولدى دەۋگە بولادى. ءوزىم ۇيرەنىپ جۇرگەن كەزىمدە ءبىرىنشى قالتالاردى كىشكەنتاي ماتالارعا ىستەيتىنمىن. ءار قالتانى ماماعا اپارىپ كورسەتىپ، ماقتاناتىنمىن. سول كەزدەردەن باستاپ تالپىنىسىمدى، ارنەگە قۋاناتىنىمدى كورىپ، ءوزى دە قولداي باستادى.
باقداۋلەت ەرلەردىڭ كلاسسيكالىق كيىمىن تىگىپ قانا قويماي، الەۋمەتتىك جەلىدە تالعاممەن كيىنۋدىڭ سىرىمەن بولىسەدى. ازىرگە ونىڭ بىرەگەي كوستيۋمدەرىنە تاپسىرىس از. الايدا دەنەنىڭ ەرەكشەلىگىنە قاراي كيىم تىكتىرىپ كيۋ مادەنيەتىنىڭ قالىپتاسۋىنا از دا بولسا ۇلەس قوسسام، بۇل مەن ءۇشىن ۇلكەن جەڭىس، - دەيدى جاڭاشىل تىگىنشى.