ەنەرگەتيكا مينيسترلىگى يادرولىق سىناقتارعا تىيىم سالۋ شارتىن قاداعالايتىن ۇلتتىق ورگان بولادى

استانا. قازاقپارات - ەنەرگەتيكا مينيسترلىگى يادرولىق سىناقتارعا جان- جاقتى تىيىم سالۋ تۋرالى شارت بويىنشا ۇلتتىق ورگان بولىپ بەكىتىلمەك. بۇل تۋرالى «اشىق» ن ق ا پورتالىندا جاريالانعان ۇكىمەت قاۋلىسىندا جازىلعان، دەپ حابارلايدى قازاقپارات ءتىلشىسى.

«2001 -جىلعى 14-جەلتوقسانداعى ق ر زاڭىمەن راتيفيكاتسيالانعان، 1996 -جىلعى 30-قىركۇيەكتە نيۋ- يورك قالاسىندا جاسالعان يادرولىق سىناقتارعا جان- جاقتى تىيىم سالۋ تۋرالى شارتتى ىسكە اسىرۋ ماقساتىندا قر ەنەرگەتيكا مينيسترلىگى يادرولىق سىناقتارعا جان- جاقتى تىيىم سالۋ تۋرالى شارت بويىنشا ۇلتتىق ورگان بولىپ تاعايىندالسىن»، - دەلىنگەن قاۋلىدا.

قۇجاتقا قوسىمشا بەرىلگەن تۇسىندىرمەگە ساي، ەندى ەنەرگەتيكا مينيسترلىگىنە شارتتىڭ ساقتالۋىن باقىلاۋ مىندەتى جۇكتەلەدى.

«يادرولىق سىناقتارعا جان- جاقتى تىيىم سالۋ تۋرالى شارتقا سايكەس، ءاربىر قاتىسۋشى مەملەكەت يادرولىق قارۋدىڭ سىناق جارىلىسىن جاساماۋعا، ونىڭ باقىلاۋىنداعى كەز كەلگەن جەردە يادرولىق جارىلىسقا تىيىم سالۋعا جانە ونىڭ الدىن الۋعا مىندەتتەنەدى. شارتتىڭ ساقتالۋىن جان- جاقتى باقىلاۋ سەيسميكالىق، راديونۋكليدتىك جانە ينفراقىزىل باقىلاۋ سالاسىنداعى قازىرگى زامانعى تەحنولوگيالار قولدانىلاتىن يادرولىق سىناقتارعا جان- جاقتى تىيىم سالۋ تۋرالى شارت بويىنشا ۇيىمعا جۇكتەلگەن. تەكسەرۋ رەجيمى يادرولىق سىناقتارعا جان- جاقتى تىيىم سالۋ تۋرالى شارت شەڭبەرىندە قۇرىلادى. وعان سەيسمولوگيالىق، راديونۋكليدتىك، گيدرواكۋستيكالىق جانە ينفراقىزىل باقىلاۋ جۇيەلەرى جونىندەگى ءىس- شارالار، سونداي- اق كونسۋلتاتسيالىق راسىمدەر، جەرگىلىكتى جەرلەردەگى ينسپەكتسيالار جانە قاۋىپسىزدىك شارالارى كىرەتىن حالىقارالىق مونيتورينگ جۇيەسى كىرەدى»، - دەپ تۇسىندىرمە بەرىلگەن قاۋلىعا.

قۇجاتتى اشىق تالقىلاۋ 28-ناۋرىزعا دەيىن جالعاسادى.