ەرتەڭ وتەتىن ساياسي پارتيالار پىكىرسايىسىنا كىمدەر قاتىسادى

استانا. قازاقپارات – 10-ناۋرىزدا ك ت ك تەلەارناسىنىڭ تىكەلەي ەفيرىندە وتەتىن ءماجىلىس سايلاۋى الدىنداعى كەزەكتى پىكىرسايىسقا قاتىساتىن 7 ساياسي پارتيانىڭ وكىلدەرى بەلگىلى بولدى، دەپ حابارلايدى قازاقپارات ءتىلشىسى.

پىكىرسايىسقا «Amanat» پارتياسىنان ايدوس سارىم، «اۋىل» حالىقتىق دەموكراتيالىق پارتياسىنان جيگۋلي دايرابايەۆ، «Respublica» پارتياسىنان دينارا شۇكىجانوۆا، قازاقستان حالىق پارتياسىنان ەرمۇحامەت ەرتىسبايەۆ، «بايتاق» جاسىلدار پارتياسىنان اينۇر ءسابيتوۆا، «اق جول» دەموكراتيالىق پارتياسىنان ءدانيا ەسپايەۆا، ال جالپى ۇلتتىق سوتسيال- دەموكراتيالىق پارتياسىنان اسحات راحىمجانوۆ قاتىسادى.

ساياسي پارتيا وكىلدەرى اراسىنداعى پىكىرسايىس 10-ناۋرىز كۇنى ساعات 21:00 دە ك ت ك تەلەارناسىنىڭ تىكەلەي ەفيرىنەن جانە ارنانىڭ YouTube, Facebook پاراقشالارىندا كورسەتىلەدى.