استانالىق وقۋشىلار الەمدىك كومپانيادان گرانت ۇتىپ الدى
وقۋشىلاردىڭ ايتۋىنشا، ولار جاساندى ينتەللەكت نەگىزىندە ستارتاپ- جوبا ازىرلەگەن.
«Whoock - كليەنت ءۇشىن ماتىندىك حابارلامالارعا نەگىزدەلگەن قىزمەت جۇيەسىن دامىتا الاتىن ۆەب- سايت گەنەراتورى جانە رەداكتورى. ول زاماناۋي ديزاينمەن تولىق ۆەب- سايت جاساي الادى. ياعني، سايتتى جاساپ، كليەنتتىڭ سۇرانىسىنا ساي ورىنداۋ جاساندى ينتەللەكتپەن بايلانىس ارقىلى جۇزەگە اسادى»، - دەيدى وقۋشىلار.
جوبانىڭ ماقساتتى اۋديتورياسى - كومپانيا تۋرالى پروتوتيپ نەمەسە جەدەل سايت جاساۋدى قاجەت ەتەتىن ەندى باستالعان بيزنەس جانە ستارتاپتار.
قازىر Whoock العاشقى قىزمەتتىك نۇسقاسىن جۇزەگە اسىرىپ جاتىر.
بەتا نۇسقا ىسكە قوسىلعان سوڭ وقۋشىلار سەرۆيستىك مۇمكىندىكتى ودان ءارى كەڭەيتۋدى جوسپارلاپ وتىر.
Whoock-پەن تولىققاندى ۆەب- قوسىمشا ازىرلەيتىن مۇمكىندىك بولادى.
«پلاتفورما ورتا ەسەپپەن ءبىر جارىم مينۋت ىشىندە تولىققاندى سايت جاسايدى. كەلەسى اپتادا ىسكە قوسۋدى جوسپارلاپ وتىرمىز. كەز كەلگەن ادام ءوز پلاتفورماسىنا تەگىن قول جەتكىزە الادى جانە ونى قالاعانىنشا پايدالانادى»، — دەيدى وقۋشىلار.
جاس ستارتاپەرلەر Microsoft for Startups Founder Hub-تان وتكەنىنە قۋانىشتى، ارسەن مەن ۆلاديمير ۇتىپ العان قاراجاتتى ءوز جوباسىن دامىتۋعا جۇمساماقشى.