سەناتور شاردارا سۋ قويماسىنا قاتىستى ۇسىنىس ايتتى
بۇل بىلتىرمەن سالىستىرعاندا 2,3 ميللياردقا كوپ. بۇل تۋرالى سەناتور بيبىگۇل جەكسەنباي ق ر پرەمەر-ءمينيسترى ءاليحان سمايىلوۆتىڭ اتىنا جولداعان دەپۋتاتتىق ساۋالىندا ايتتى، دەپ حابارلايدى قازاقپارات ءتىلشىسى.
دەپۋتات وسىعان دەيىن سەناتتىڭ حالىقارالىق قاتىناستار، قورعانىس جانە قاۋىپسىزدىك كوميتەتى مەملەكەتتىك ورگاندار جانە وڭىرلەردەگى اكىمدىكتەردىڭ وكىلدەرىمەن كوكتەمگى سۋ تاسقىنىنا دايىندىق ماسەلەلەرى بويىنشا كەزدەسۋ وتكىزگەنىن ەسكە سالدى. كەزدەسۋ بارىسىندا مۇمكىندىگىنشە جەدەل شەشىلۋى ءتيىس ءبىرقاتار ماسەلەلەر انىقتالعان.
سەناتوردىڭ ايتۋىنشا، قازىرگى تاڭدا جاۋاپتى مەملەكەتتىك ورگانداردىڭ سۋ بۇرۋ ماسەلەسىن شەشۋدەگى ارەكەتتەرىنىڭ سايكەسسىزدىگى بايقالادى. بۇل ماسەلە بويىنشا وسى ۋاقىتقا دەيىن مەكەمەارالىق جۇمىس توبى قۇرىلعان جوق.
دەپۋتات ماماندار شاردارا سۋ قويماسىندا سەكۋندىنا 1500 تەكشە مەتر وتكىزۋ قابىلەتى بار اپاتتىق درەناجدىق ارنا سالۋ قاجەت ەكەنىن ايتىپ وتىرعانىنا توقتالدى. بۇل ماسەلەنىڭ تالاي كوتەرىلگەنىنە قاراماستان، ۇكىمەت ناقتى شارالار قولدانباعان.
بيبىگۇل جەكسەنبايدىڭ پايىمىنشا، ەلىمىزدىڭ سالالىق مينيسترلىكتەرى شاردارا سۋ قويماسىنا كەلەتىن سۋ مولشەرىن ازايتۋ ماسەلەلەرى بويىنشا وزبەكستاننىڭ وكىلدەرىمەن كەلىسسوزدەر جۇرگىزۋ قاجەت.
«سۋ بۇرۋ پروبلەماسىن شەشۋ تەك مەملەكەتارالىق دەڭگەيدە مۇمكىن بولعاندىقتان، وعان قازاقستان رەسپۋبليكاسى ۇكىمەتىنىڭ كومەگى قاجەت»، - دەدى سەناتور.
بۇدان بۇرىن حابارلانعانداي، بيىل اقپان ايىنىڭ اياعىندا ەكولوگيا جانە تابيعي رەسۋرستار ءمينيسترى ءزۇلفيا سۇلەيمەنوۆا شاردارا مەن كوكسارايدىڭ جاعدايى باقىلاۋدا تۇرعانىن ايتتى.