گۇلميرا ساتىبالدى ءۇي قاماققا جىبەرىلمەيدى - سوت شەشىمى

None
استانا. قازاقپارات - گۇلميرا ساتىبالدىعا قاتىستى ءىس بويىنشا الدىن-الا تىڭداۋ استانا قالاسى بايقوڭىر اۋدانىنىڭ 2№ سوتىندا ءوتتى.

ونىڭ بارىسىندا ادۆوكاتتار ايىپتالۋشىنى ءۇي قاماققا اۋىستىرۋدى سۇرادى، دەپ حابارلايدى قازاقپارات ءتىلشىسى.

«قورعاۋشىلاردىڭ ساتىبالدى مەن باتىرشايەۆقا قاتىستى قىلمىستىق ءىستى توقتاتۋ، ءىستى قىلمىستىق-پروتسەستىك كودەكتىڭ 320-بابىنا سايكەس پروكۋرورعا قايتارۋ جانە بۇلتارتپاۋ شاراسىن وزگەرتۋ تۋرالى وتىنىشتەرى قاناعاتتاندىرىلمايدى. بۇعان دەيىن قابىلدانعان شەشىم وزگەرىسسىز قالادى»، - دەدى بايقوڭىر اۋداندىق 2№ سوتىنىڭ سۋدياسى كەمەڭگەر يماشيەۆ.

سونداي-اق، سۋديا گۇلميرا ساتىبالدىعا قاتىستى قىلمىستىق ءىستى سوتتا قاراۋ 14- ناۋرىزدا بولاتىنىن ءمالىم ەتتى.

ەسكە سالايىق، بۇگىن اتالعان ءىستى الدىن-الا سوتتا تىڭداۋ كەزىندە پروكۋرور الميرا قوجاحمەتوۆا ايىپتالۋشى گۇلميرا ساتىبالدى سوتقا دەيىنگى تەرگەۋ كەزىندە شەكارا اسىپ كەتپەك بولعانىن ايتتى.

سوڭعى جاڭالىقتار