الماتىدان تاشكەنتكە جولعا شىققان ۇشاق اۋەجايعا قايتا ورالدى

الماتى. قازاقپارات- تاشكەنتكە ۇشىپ شىققان ۇشاق الماتى اۋەجايىنا قايتا ورالدى، دەپ حابارلايدى قازاقپارات ءتىلشىسى.

«Air Astana» اۋە كومپانياسىنىڭ مالىمەتىنشە، تاشكەنتكە ۇشقان ۇشاق دابىل قاققىش جۇيەسىنىڭ ىسكە قوسىلۋىنا بايلانىستى الماتى اۋەجايىنا قايتىپ كەلگەن.

«الماتى- تاشكەنت باعىتىندا قاتىنايتىن KS 129 ۇشاعى 8-ناۋرىزدا تۇنگى ساعات 23:05 تە جارتى ساعات كەشىگۋمەن ۇشىپ، 00:46 دا اۋەجايعا قايتا ورالدى. قايتا ورالۋعا باتارەيا قۋاتتاعىشىنىڭ دۇرىس جۇمىس ىستەمەۋى تۋرالى دابىلدىڭ ىسكە قوسىلۋى سەبەپ بولعان. رەيس باسقا اۋە كەمەسىمەن ورىندالدى، ول 03:05 تە ۇشىپ شىعىپ، دىتتەگەن جەرگە 03:45 تە قوندى. بارلىق جەردە جەرگىلىكتى ۋاقىت كورسەتىلگەن»، - دەپ حابارلادى اۋە كومپانياسىنىڭ باسپا ءسوز قىزمەتى.

ءدال وسىنداي جاعداي بىلتىر جەلتوقسان ايىندا دا بولعان.

الماتىدان قوستانايعا باعىت العان FlyArystan ۇشاعىنىڭ تەحنيكالىق اقاۋعا بايلانىستى اۋەجايعا قايتا ورالۋىنا تۋرا كەلگەن ەدى.