بيىلدان باستاپ جەدەل جاردەم جۇرگىزۋشىلەرىنىڭ جالاقىسى كوتەرىلۋى مۇمكىن

None
استانا. قازاقپارات - دەنساۋلىق ساقتاۋ مينيسترلىگى جەدەل جاردەم جۇرگىزۋشىلەرىنىڭ جالاقىسىن كوتەرۋگە قاتىستى ۇكىمەت قاۋلىسىنىڭ جوباسىن ازىرلەدى.

جوبا اشىق نورماتيۆتىك-قۇقىقتىق اكتىلەر پورتالىندا جاريالاندى، دەپ حابارلايدى قازاقپارات ءتىلشىسى.

«قازىرگى ۋاقىتتا جەدەل مەديتسينالىق جاردەم جۇرگىزۋشىلەرىنىڭ اراسىندا جالاقىنىڭ تومەندىگى بولىگىندە رەزونانس بايقالادى. بۇل ەرەۋىلدەرگە (جاڭاوزەن قالاسىندا، ماڭعىستاۋ، اقتوبە وبلىستارىندا) الىپ كەلىپ جاتىر. ءوز كەزەگىندە دەنساۋلىق ساقتاۋ مينيسترلىگى ەرەكشە ەڭبەك جاعدايلارى ءۇشىن بازالىق لاۋازىمدىق ايلىقتان 200 پايىز مولشەرىندە جاڭا قوسىمشا اقى بەلگىلەۋدى ۇسىنادى»، - دەلىنگەن قاۋلى جوباسىندا.

ۆەدومستۆونىڭ اتاپ وتۋىنشە، العاشقى كومەكتى ۋاكىلەتتى ورگان بەلگىلەگەن تارتىپپەن مەديتسينالىق ءبىلىمى جوق ادامدار دا كورسەتە الادى.

مەديتسينالىق ءبىلىمى جوق ادامداردى العاشقى كومەك كورسەتۋ داعدىلارىنا دايارلاۋ 3 جىلدا ءبىر رەت كەزەڭمەن جۇرگىزىلەدى.

مىندەتتى تۇردە العاشقى كومەك كۋرستارىنان وتۋگە جاتاتىن مەديتسينالىق ءبىلىمى جوق ادامداردىڭ كونتينگەنتىنە مەديتسينالىق ءبىلىمى جوق دەنساۋلىق ساقتاۋ ۇيىمدارىنىڭ قىزمەتكەرلەرى، ونىڭ ىشىندە جەدەل جاردەم جۇرگىزۋشىلەرى دە كىرەدى.

«وسىعان بايلانىستى، جەدەل جاردەم جۇرگىزۋشىلەرى جۇمىستارىنىڭ كەڭەيتىلگەن سيپاتتاماسىن ەسكەرە وتىرىپ، ولارعا ەرەكشە ەڭبەك جاعدايلارى ءۇشىن بازالىق لاۋازىمدىق اقىدان 200 پايىز (35394 تەڭگە) مولشەرىندە جاڭا قوسىمشا اقى بەلگىلەۋ ۇسىنىلادى»، - دەپ اتاپ وتەدى مينيسترلىكتەن.

قاۋلى 2023-جىلدىڭ 1- شىلدەسىنەن باستاپ كۇشىنە ەنەدى.


سوڭعى جاڭالىقتار