ازاپتاۋ جانە قاتىگەزدىك تۋرالى ىستەردىڭ كوپشىلىگى سوتقا جەتپەيدى - ماۋلەن اشىمبايەۆ
م. اشىمبايەۆ قۇقىق قورعاۋ ورگاندارىنىڭ عيماراتتارى بەينەباقىلاۋدا بولاتىنى جانە بارلىق ءىس-ارەكەتتەر تىركەلەتىنى تۋرالى جاقىندا قابىلدانعان ەرەجە ماڭىزدى جانە ۋاقتىلى بولعانىن اتاپ ءوتتى. بۇل ءتاسىل بەلگىلى ءبىر ادامدارعا زاڭسىز ارەكەتتەردىڭ قولدانىلعانىن دالەلدەۋگە كومەكتەسەتىن بولادى.
«ءبىز قىلمىستىق كودەكسكە ازاپتاعانى ءۇشىن جازانى كۇشەيتەتىن ەرەجەلەردى ەنگىزدىك، بۇل وتە دۇرىس. قۇقىق قورعاۋ ورگاندارىنىڭ ارەكەتتەرىنە، كەيبىر قىزمەتكەرلەردىڭ زورلىق-زومبىلىعىنا قاتىستى كوپتەگەن شاعىم تۇسەتىنىن ايتا كەتۋ كەرەك. سەناتقا دا ونداي شاعىمدار كەلىپ جاتىر. ءبىراق تاجىريبە كورسەتىپ وتىرعانداي، مۇنداي ىستەردىڭ باسىم كوپشىلىگى سوتقا جەتپەيدى، ويتكەنى زورلىق-زومبىلىق، ازاپتاۋ جانە باسقا دا فاكتىلەردى دالەلدەۋ، انىقتاۋ وتە قيىن. وسىعان بايلانىستى، ءبىز جاقىندا عانا پروكۋراتۋرامەن بىرلەسىپ قۇقىق قورعاۋ ورگاندارىنىڭ بارلىق قىزمەتتىك عيماراتتارىنا بەينەباقىلاۋ ورناتۋدى تالاپ ەتەتىن ەرەجە قابىلداعانىڭىزدى بىلەمىز»، - دەپ اتاپ ءوتتى ماۋلەن اشىمبايەۆ سەناتتىڭ جالپى وتىرىسىندا.
وسىعان دەيىن مەملەكەت باسشىسى قۇقىق قورعاۋ ورگاندارىندا بەينەباقىلاۋدا كورىنبەيتىن جەرلەر بولماۋى ءتيىس ەكەنىن ايتقان بولاتىن.