گرۋزيادا شەتەل اگەنتتەرى تۋرالى زاڭ جوباسى كەرى قايتارىلدى
بۇل تۋرالى ساياسي بىرلەستىكتىڭ بەيسەنبى كۇنى جاريالانعان مالىمدەمەسىندە ايتىلعان، دەپ حابارلايدى قازاقپارات.
«قوعامنىڭ ءاربىر مۇشەسىنىڭ الدىندا جاۋاپتى باسقارۋشى كۇش رەتىندە ءبىز ءوزىمىز قولداعان شەتەل اگەنتتەرى تۋرالى زاڭ جوباسىن ەشقانداي العىشارتسىز كەرى قايتارىپ الۋ جونىندە شەشىم قابىلدادىق»، - دەلىنگەن پارتيانىڭ سايتىندا.
ەسكە سالا كەتەيىك، گرۋزيا پارلامەنتى سەيسەنبى كۇنى ءبىرىنشى وقىلىمدا «شەتەل اگەنتتەرى» تۋرالى زاڭدى ماقۇلداعان ەدى.
وسىعان بايلانىستى تبيليسي ورتالىعىندا ەكى كۇن بويى نارازىلىق اكسياسى وتكەن.
بىرنەشە ساعات بويى مىڭداعان ادام قاتىسقان ەرەۋىل سالىستىرمالى تۇردە تىنىش ءوتتى.
جەرگىلىكتى ۋاقىت بويىنشا ءتۇن ورتاسىنا ءبىر ساعات قالعاندا نارازىلىق بىلدىرۋشىلەردىڭ ءبىر بولىگى پارلامەنت عيماراتىن قورشاي باستاعاندا جاعداي ۋشىقتى.
گرۋزين اقپارات قۇرالدارىنىڭ حابارلاۋىنشا، نارازىلىق بىلدىرۋشىلەر اراسىندا ارنايى جاساقتان قاشقان كەزدە پايدا بولعان گاز، ءتۇتىن جانە توبەلەستەن زارداپ شەككەندەر كوپ. قاماۋعا الىنعاندار دا بار.
اۆتور
سماعۇلوۆا ەركەجان