گۇلميرا ساتىبالدى سوتقا دەيىنگى تەرگەۋ كەزىندە شەكارا اسىپ كەتپەك بولعان - پروكۋرور

استانا. قازاقپارات - استانا قالاسى بايقوڭىر اۋدانىنىڭ №2 سوتىندا قايرات ساتىبالدىنىڭ بۇرىنعى ايەلى گۇلميرا ساتىبالدىعا قاتىستى ءىس بويىنشا الدىن- الا تىڭداۋ ءجۇرىپ جاتىر، دەپ حابارلايدى قازاقپارات ءتىلشىسى.

پروتسەس بارىسىندا ادۆوكاتتارى گ. ساتىبالدىعا قاتىستى بۇلتارتپاۋ شاراسىن ءۇي قاماققا وزگەرتۋ جانە قىلمىستىق ءىستى توقتاتۋ تۋرالى ءوتىنىش ءبىلدىردى. دەگەنمەن پروكۋرور الميرا قوجاحمەتوۆا ايىپتالۋشىعا قاتىستى قابىلدانعان شەشىمدى وزگەرىسسىز قالدىرۋ ورىندى دەپ ۇسىنىس ايتتى.

«بۇلتارتپاۋ شاراسى تەك ناقتى سەبەپ بولعان كەزدە وزگەرتىلەدى. قازىرگى ۋاقىتتا وعان نەگىز جوق. ويتكەنى، سوتقا دەيىنگى ءىس جۇرگىزۋ بارىسىندا ايىپتالۋشى گۇلميرا ساتىبالدىنىڭ شەكارا اسىپ كەتۋگە تىرىسقانى تۋرالى فاكتىلەر انىقتالدى. سوندىقتان بۇلتارتپاۋ شاراسى وزگەرىسسىز قالادى دەپ سانايمىن»، - دەدى پروكۋرور الميرا قوجاحمەتوۆا.

ەسكە سالايىق، گ. ساتىبالدى كاسىپورىنداردىڭ قاتىسۋ ۇلەسىن زاڭسىز يەمدەنۋ، سونىڭ ىشىندە ادام ۇرلاۋمەن ۇشتاسقان ەكى فاكتى بويىنشا تەرگەلگەن ەدى. جابىرلەنۋشىگە كەلگەن زالال سوماسى - 6,6 ميلليارد تەڭگەدەن اسادى.

اۆتور

ءاليحان اسقار