فيزيك بريۋس ليدىڭ ايگىلى ءبىر ديۋيمدىك سوققىسىنىڭ سىرىن اشتى - ۆيدەو
بريۋس لي العاش رەت 1964 -جىلى كاراتەدەن الەم چەمپيوناتىندا دجو ليۋيسكە ءبىر ديۋيمدىك سوققىنى كورسەتتى. ونىڭ ءمانى قىسقا (بىرنەشە سانتيمەتر) قاشىقتىقتان ورىندالاتىن جاۋعا سوققى بەرۋدە جاتىر. ءوزىنىڭ ەرەكشەلىگىنىڭ ارقاسىندا ديۋيمدىك سوققى جەكپە-جەك جانكۇيەرلەرى اراسىندا وتە تانىمال بولدى.
عالىم انىقتاعانداي، سوققىنىڭ سونشالىقتى كۇشتى شىعۋىندا شەشۋشى ءرولدى ديۋيمدىك سوققىنى كورسەتۋ كەزىندە بريۋس ليدىڭ كەڭىستىكتە ەركىن قوزعالۋى مەن دەنەسىن كەرەمەت يگەرگەنى اتقارعان.
فيزيك بەينەگە Tracker Video Analysis باعدارلاماسىن قولدانىپ، سوققىنى تالدادى.
ناتيجەلەردى ءتۇسىندىرۋ ءۇشىن اللەن بريۋس جانە دجو دەپ اتاعان ەكى ادامنىڭ قاراپايىم فيزيكالىق مودەلىن قولداندى. الدىمەن ول سوققىدان كەيىن ىعىسىپ، ءبىر باعىتتا قوزعالا باستاعان «بريۋس+دجو» جۇيەسىنىڭ ماسسا تسەنترىن زەرتتەدى. بۇل جەردە ۇيكەلىس باستى ءرول اتقاردى: بريۋس ورنىندا قالۋ فاكتىسى دجوعا بەرىلگەن ماكسيمالدى سەرپىنى قامتاماسىز ەتەدى. ەگەر دەمونستراتسيا مۇز ۇستىندە بولسا، اسەر السىرەگەن بولار ەدى. سونىمەن قاتار، ۇيكەلىس سوققى كۇشىمەن بىرگە اينالۋ مومەنتىن تۋدىردى، بۇل دجونىڭ ارتقا قاراي قۇلاۋىنا اكەلدى.
سپورتشىنىڭ سالماعىن 70 كەلى دەپ ەسەپتەگەن اللەن ونىڭ جىلدامدىعى مەن ەكپىنىن ەسەپتەدى، سايكەسىنشە سەكۋندىنا 1,16 مەتر جانە 83,3 كيلوگرام- مەتر بولدى. بەينەجازبانى پايدالانا وتىرىپ، اۆتور سوققى ۋاقىتىن 0,12 سەكۋندقا باعالادى، بۇل ورتاشا كۇشتى ەسەپتەۋگە مۇمكىندىك بەردى، ول 694 نيۋتوندى قۇرادى. بۇل كۇش ورتاشا ەرەسەك ادامدى كوتەرۋگە جەتكىلىكتى.
سودان كەيىن فيزيك ليدى تالدادى. ونىڭ كوورديناتىنىڭ ۋاقىتقا تاۋەلدىلىگى از مونوتوندى بولدى، ءبىراق ول سوققىدان بۇرىن سەكۋندىنا 0,36 مەتر جىلدامدىقپەن ۇزىندىعى شامامەن 10 سانتيمەتر بولاتىن بىركەلكى قوزعالىس مۇمكىندىگىنە يە بولعان. اللەن ەگەر سوققى قالىپتى سوعىسۋمەن اۋىستىرىلسا جانە سپورتشىلاردىڭ ماسساسى تەڭ دەپ ەسەپتەلسە، دجو سوققىدان كەيىنگى جىلدامدىقتان شامامەن ءۇش ەسە از جىلدامدىققا يە بولاتىنىن اتاپ ءوتتى.
اللەن ءبىر ديۋيمدىك سوققىنىڭ ءساتتى بولۋىنىڭ قۇپياسى ليدىڭ دەنەسىن كەرەمەت يگەرۋىندە جانە بارلىق كۇشىن جۇدىرىعىنا شوعىرلاندىرۋىندا دەگەن قورىتىندىعا كەلدى. سونىمەن بىرگە سوققىنىڭ دەنەسى ءجۇرىپ وتكەن قاشىقتىقتى ەسكەرە وتىرىپ، سوققىنى ءبىر ديۋيم دەپ ساناۋ مۇلدە دۇرىس ەمەس.
فيزيك مۇنداي سوققىنى جاساۋ دايىندىق پەن شەبەرلىكتى قاجەت ەتەتىنىن ايتتى.
massaget.kz