الاكول باعىتىندا «تالگو» پويىزى جولعا شىعادى
«جولاۋشىلار تاسىمالى» ا ق باس ديرەكتورى ج. تايجانوۆ «استانا- دوستىق» باعىتى بويىنشا «تالگو» پويىزىنىڭ ىسكە قوسىلاتىنىن حابارلادى.
وتكەن جىلى تەمىر جول كولىگىمەن الاكول جاعالاۋىنا 243 مىڭ جولاۋشى جەتكىزىلدى:
- ەلىمىزدىڭ وڭتۇستىك وڭىرىنەن - 118 مىڭ؛
- سولتۇستىكتەن - 72 مىڭ؛
- شىعىس قازاقستان وبلىسىنان - 52 مىڭ. بيىل جولاۋشىلارعا ارنالعان ورىن سانى % 6- عا ارتىپ، 276 مىڭعا جەتەدى دەپ جوسپارلانۋدا. تۋروپەراتورلار ءۇشىن كوممەرتسيالىق پويىز بيلەتتەرىن ەرتە برونداۋ ءتارتىبى بار - پويىز جونەلتىلگەنگە دەيىن 180 كۇن بۇرىن.
ج. تايجانوۆ شىمكەنت، پاۆلودار، وسكەمەن، قىزىلوردا قالالارىنان الاكول باعىتىندا ينتەرمودالدىق تاسىمالداۋدى (ەكى جانە ودان دا كوپ كولىك تۇرلەرىمەن تاسىمالداۋ) ىسكە قوسۋ ماسەلەسىن اكىمدىكتەرمەن، اۋە جانە كولىك تاسىمالداۋشىلارىمەن بىرلەسىپ قاراستىرۋ ۇستىندە ەكەنىن اتاپ ءوتتى.
رەداكتور
ەربول جانات