كولۋمبيا سۋسيىرلارىن وزگە ەلدەرگە ۇلەستىرەدى

استانا. قازاقپارات- كولۋمبيا ۇكىمەتى وزگە ەلدەرگە 70 شاقتى سۋسيىرىن ۇلەستىرىپ بەرەدى، دەپ حابارلايدى «حابار 24».

80 -جىلدارى بۇل جانۋارلاردى ءوزىنىڭ جەكە مەنشىك حايۋاناتتار باعىنا بەلگىلى ەسىرتكى ساتۋشى پابلو ەسكوبار اكەلگەن بولاتىن. الايدا يەسى جاسىرىنۋعا ءماجبۇر بولعاننان كەيىن قاراۋسىز قالعان سۋسيىرلار قاشىپ كەتتى. كولۋمبيادا تابيعي جاۋلارى بولماعاندىقتان، ولار كوبەيىپ كەتكەن. ءتىپتى جەرگىلىكتى جانۋارلاردى شاڭ قاپتىرىپ، قالىپتاسقان ەكولوگيالىق تەپە- تەڭدىككە قاۋىپ توندىرە باستادى. ءزارى وزەندەردەگى سۋدىڭ قۇرامىن وزگەرتىپ، لامانتيندەر مەن سۋدوڭىزدار مەكەندەيتىن ورتاعا كەرى اسەر تيگىزىپ وتىر. قازىردىڭ وزىندە كولۋمبيا سۋسيىرلارىن ءۇندىستان مەن مەكسيكاعا جەتكىزدى. تاعى دا بىرنەشە ەل وسى جانۋار ءتۇرىن قابىلداۋعا دايىن. اراسىندا ەكۆادور مەن فيليپپين بار.

www.24.kz