تبيليسيدە مىڭداعان ادام تاعى دا قارسىلىق شەرۋىنە شىقتى

تبيليسي. قازاقپارات - كەشە كەشكە گرۋزيا استاناسى تبيليسيدە مىڭداعان ادام «شەتەل اگەنتتەرىنە» قاتىستى زاڭعا نارازىلىق ءبىلدىرىپ شەرۋگە شىقتى، دەپ حابارلايدى قازاقپارات نوۆوستي گرۋزيا سايتىنا سىلتەمە جاساپ.

كوپتەگەن مىڭداعان ازامات گرۋزيانىڭ پارلامەنت عيماراتى الدىندا جينالۋدا.

ايتا كەتەيىك، كەشە تبيليسيدە «شەتەل اگەنتتەرىنە» قاتىستى زاڭعا نارازىلىق ءبىلدىرۋشى توپتىڭ ارەكەتى پوليتسيامەن قاقتىعىسقا ۇلاسقان. پوليتسيا نارازىلىق بىلدىرۋشىلەرگە قارسى كوزدەن جاس شىعاراتىن گاز بەن سۋ اتقىشتاردى قولدانعان.

گرۋزيا تەلەۆيزياسى كورسەتكەن بەينەكورىنىستەردە نارازىلىق بىلدىرۋشىلەر قولدارىنا گرۋزيا مەن ەۋرووداقتىڭ تۋىن ۇستاپ شىققان.