مەملەكەتتىڭ ىلگەرى جىلجىپ، ەڭسە تىكتەۋىندە ايەلدەر قاۋىمىنىڭ الار ورنى ەرەكشە - ماۋلەن اشىمبايەۆ
«اياۋلى ارۋلار! سىزدەردى حالىقارالىق ايەلدەر كۇنىمەن شىن جۇرەكتەن قۇتتىقتايمىن! بۇل كۇن - مەيىرىمنىڭ، ادەمىلىكتىڭ جانە نازىكتىكتىڭ مەرەكەسى. سوندىقتان ءدال وسى كۇنى انالارىمىزعا قۇرمەت كورسەتىپ، ارۋلارىمىز بەن قىزدارىمىزدى قۇتتىقتاۋعا اسىعامىز»، - دەپ جازدى سەنات ءتوراعاسى ءوزىنىڭ Facebook پاراقشاسىندا.
سونداي- اق ماۋلەن اشىمبايەۆ ەلدىڭ ىرىس- ىنتىماعىن ەسەلەۋ جولىندا بۇگىنگىدەي شۋاقتى مەرەكەنىڭ ماڭىزى زور ەكەندىگىن ايتتى. ويتكەنى ءدال وسى كۇنى ىزگىلىك، سىيلاستىق، سۇيىسپەنشىلىك سياقتى دۇرىس قۇندىلىقتار دارىپتەلەدى.
شىن مانىندە، مەملەكەتتىڭ ىلگەرى جىلجىپ، ەڭسە تىكتەۋىندە ايەلدەر قاۋىمىنىڭ الار ورنى ەرەكشە. تاريحىمىزدا دانالىعىمەن تانىلعان انالارىمىزدىڭ ءومىر جولى سونىڭ ايقىن دالەلى.
قازىرگى تاڭدا دا سىزدەر وتباسىنىڭ عانا ەمەس، تۇتاس ۇلتتىڭ ۇيىتقىسى رەتىندە بارلىق سالادا تابىستى ەڭبەك ەتىپ، تاۋەلسىز قازاقستاننىڭ ءوسىپ- وركەندەۋىنە ۇلكەن ۇلەس قوسىپ كەلەسىزدەر. مەملەكەت باسشىسىنىڭ باستاماسىمەن ىسكە اسىرىلىپ جاتقان ادىلەتتى قازاقستان قۇرۋ جولىندا دا ايەلدەردىڭ اقىل- پاراساتى مەن ەرىك- جىگەرى ماڭىزدى ءرول اتقارادى.
«بۇگىنگى مەيراممەن قۇتتىقتاي وتىرىپ، بارشاڭىزعا زور دەنساۋلىق، ۇزاق عۇمىر، وتباسىلارىڭىزعا باق- بەرەكە جانە جاڭا جەڭىستەر مەن جەتىستىكتەر تىلەيمىن! ءاردايىم كوكتەمدەي قۇلپىرىپ جۇرە بەرىڭىزدەر. مەرەكە قۇتتى بولسىن!» ، - دەپ جازدى سەنات سپيكەرى.
ايتا كەتەيىك، بۇگىن حالىقارالىق ايەلدەر كۇنى مەرەكەسىمەن قازاقستاندىق ارۋلاردى مەملەكەت باسشىسى قاسىم- جومارت توقايەۆ قۇتتىقتاعان بولاتىن.