تۇركيادا تاعى ءۇش رەت جەر سىلكىندى
انادولۋ اگەنتتىگىنىڭ مالىمەتى بويىنشا، تۇركيا ۇكىمەتى جانىنداعى توتەنشە جاعدايلاردىڭ الدىن الۋ جانە جويۋ جونىندەگى باسقارما (AFAD) ءبىر كۇندە تۇركيانىڭ ءۇش بىردەي پروۆينتسياسىندا جەر سىلكىنگەن.
ەلدىڭ وڭتۇستىك- شىعىسىنداعى حاتاي پروۆينتسياسىندا ءزىلزالانىڭ ماگنيتۋداسى 4,1 بالل بولعان.
ءدۇمپۋ جەرگىلىكتى ۋاقىتپەن تۇنگى ساعات 01:14 كەزىندە شاقىرىم تەرەڭدىكتە تىركەلگەن.
ال قاحرامانماراش پروۆينتسياسىندا سىلكىنىس ماگنيتۋداسى 4,4 بالل بولعان.
ءدۇمپۋ جەرگىلىكتى ۋاقىتپەن كۇندىزگى ساعات 12.40 كەزىندە تىركەلگەن. ءزىلزالا وشاعى ونىكىشۇبات اۋدانىندا، 7,52 شاقىرىم تەرەڭدىكتە بايقالعان.
ال قايسەري پروۆينتسياسىنداعى سىلكىنىس ماگنيتۋداسى 4,7 بالل بولىپ، جەرگىلىكتى ۋاقىتپەن كۇندىزگى ساعات 14.47 كەزىندە تىركەلگەن. يندجەسۋ اۋدانىنداعى سىلكىنىس كىندىگى 12,8 شاقىرىم تەرەڭدىكتە بايقالعان.