جەل، جاۋىن، تۇمان - سارسەنبى كۇنگى اۋا رايى بولجامى

None
استانا. قازاقپارات - قازگيدرومەت 8-ناۋرىز كۇنگى اۋا رايى بولجامىن جاريالادى، دەپ حابارلايدى قازاقپارات.

قازاقستاننىڭ باسىم بولىگى ءالى دە كاسپي تەڭىزى اۋدانىنان كەلگەن سيكلونىنىڭ ىقپالىندا بولادى. وسىعان بايلانىستى رەسپۋبليكانىڭ باسىم بولىگىندە جاۋىن- شاشىن، سولتۇستىگىندە، شىعىسىندا قاتتى جاۋىن- شاشىن (جاڭبىر، قار)، وڭتۇستىگىندە، وڭتۇستىك- شىعىسىندا كۇندىز قاتتى جاڭبىر جاۋادى. تەك ەلىمىزدىڭ باتىسى عانا انتيتسيكلون جوتالارى اسەرىنەن جاۋىن- شاشىنسىز اۋا رايى كۇتىلەدى.

رەسپۋبليكا بويىنشا جەلدىڭ كۇشەيۋى، ەلىمىزدىڭ سولتۇستىك جارتىسىندا، شىعىسىندا، ورتالىعىندا جاياۋ بۇرقاسىن، وڭتۇستىگىندە نايزاعاي كۇتىلەدى. ق ر بويىنشا تۇمان جانە كوكتايعاق كۇتىلەدى.

سولتۇستىك قازاقستان وبلىسىنىڭ وڭتۇستىگىندە تۇندە قاتتى قار جاۋادى، شىعىس قازاقستان وبلىسىنىڭ سولتۇستىگىندە، شىعىسىندا، اباي وبلىسىنىڭ سولتۇستىگىندە، تۇندە پاۆلودار وبلىسىنىڭ باتىسىندا، سولتۇستىگىندە جاۋىن- شاشىن (جاڭبىر، قار) بولجانادى.

الماتى وبلىسىنىڭ وڭتۇستىگىندە، تاۋلى اۋداندارىندا، تۇركىستان وبلىسىنىڭ سولتۇستىگىندە، وڭتۇستىگىندە، تاۋ جانە تاۋ بوكتەرلى اۋداندارىندا، جامبىل وبلىسىنىڭ سولتۇستىگىندە، باتىسىندا، وڭتۇستىگىندە، تاۋلى اۋداندارىندا جاڭبىر جاۋادى.

پاۆلودار وبلىسىنىڭ وڭتۇستىگىندە، باتىسىندا، اباي وبلىسىنىڭ ورتالىعىندا، تۇندە اقمولا، قاراعاندى، شىعىس قازاقستان وبلىستارىنىڭ سولتۇستىگىندە، شىعىسىندا، تۇركىستان وبلىسىنىڭ تاۋ اسۋلارىندا سوققان جەلدىڭ جىلدامدىعى 30 م/س جەتەدى.


سوڭعى جاڭالىقتار