شوكولاد قالدىقتان جاسالاتىنى راس پا؟

None
استانا. قازاقپارات - الەۋمەتتىك جەلىدە شوكولاد جارناماسى تاراپ جاتىر. وندا قىز شوكولاد قۇرامىن اتايدى، الايدا وندا تابيعي قوسپا بولمايدى.

ودان ءارى قۇرامى ءدال وسىنداي رەكتال ءدارىنىڭ جارناماسى ۇسىنىلادى. ناتيجەسىندە قولدانۋشىلار سۋپەرماركەتتەردە ساتىلاتىن شوكولاد «قالدىقتاردان» جاسالعان دەگەن قورىتىندى جاسايدى.

بۇل - جالعان اقپارات، - دەپ حابارلايدى Stopfake.kz.

شىن مانىندە، تارالعان ۆيدەو 2021-جىلعى 19- قاراشادا ت ن ت تەلەارناسىندا شىققان Comedy Club ءازىل-سىقاق باعدارلاماسىنان ءۇزىندى.

قۇرامى بىردەي حيميالىق شوكولادتار مەن رەكتال ءدارى تۋرالى جارناما ۆيدەو - ءازىل، ونى شىن دەپ قابىلداۋدىڭ قاجەتى جوق.

جەلىدە سۋپەرماركەتتەردە ۇسىنىلعان ونىمدەر قالدىقتاردان جاسالاتىنى جانە ولاردىڭ قۇرامىندا ءدارى-دارمەك بارىنا ەشقانداي دالەل جوق دەپ جازىلعان.

ەلىمىزدە ساتىلاتىن تاعامنىڭ ساپاسى 2007-جىلعى 21- شىلدەدەگى «ازىق-تۇلىك قاۋىپسىزدىگى تۋرالى» زاڭمەن رەتتەلەدى. وسى زاڭنىڭ 19-بابىنا سايكەس، «قازاقستان رەسپۋبليكاسىنىڭ تاماق ونىمدەرىنىڭ قاۋىپسىزدىگى تۋرالى زاڭناماسىندا بەلگىلەنگەن تالاپتارعا سايكەستىگىن كۋالاندىراتىن قۇجاتتارى جوق تاماق ونىمدەرىن وتكىزۋگە تىيىم سالىنادى». 20-باپ، سونداي-اق، مۇنداي ءونىمدى ءبىزدىڭ ەلگە يمپورتتاۋعا تىيىم سالادى.

ياعني، قازاقستاندىق سۋپەرماركەتتەردىڭ سورەلەرىندەگى بارلىق ءونىم سەرتيفيكاتتالعان جانە ساراپتامادان وتكەن، ونىڭ قاۋىپسىزدىك تالاپتارىنا سايكەستىگى دالەلدەندى.

قورىتا ايتقاندا، بۇل - جارناما رەتىندە ۇسىنىلعان ءازىل ۆيدەوعا نەگىزدەلگەن جالعان اقپارات.

سوڭعى جاڭالىقتار