قىتايداعى قانداستار دجەكي چانعا تۇلپار مىنگىزدى

استانا. قازاقپارات - قىتايدىڭ شىنجاڭ-ۇيعىر اۆتونوميا ولكەسى ىلە قازاق اۆتونوميالى وبلىسى موڭعولكۇرە اۋدانىن مەكەندەيتىن قانداستارىمىز وسكار سىيلىعىنىڭ يەگەرى، الەمگە تانىمال قىتايلىق اكتەر دجەكي چانعا تاقيا كيگىزىپ، تۇلپار مىنگىزدى، دەپ حابارلايدى قازاقپارات ءتىلشىسى.

Weibo الەۋمەتتىك جەلىسىندە تاراعان ۆيدەولاردان تانىمال اكتەردىڭ شىڭجاڭعا ساپارى كەزىندە جەرگىلىكتى تۇرعىنداردىڭ ىستىق ىقىلاسىنا بولەنگەنىن، سونداي-اق قازاق سالت-ءداستۇرى بويىنشا قۇرمەتتى قوناق رەتىندە تۇلپار سىيعا العانىن كورۋگە بولادى.

كادرلاردا باسىنا قازاقي تاقيا كيىپ، قولىنا قامشى ۇستاعان دجەكي چان ءوز راحمەتىن ايتىپ جاتتى جانە ەلمەن بىرگە ءان سالدى.

ايتا كەتەيىك، دجەكي چان شىڭجاڭعا وسى جولعى ساپارىندا 2005-جىلى جارىق كورگەن «ميف» كينوسىنىڭ جالعاسىن تۇسىرگەن.