مايك تايسون كىممەن جەكپە-جەككە شىعۋعا قورقاتىنىن ايتتى

None
استانا. قازاقپارات - بوكسشى مايك تايسون قازىرگى ەڭ مىقتى بوكسشى رەتىندە كىمدى تانيتىنىن اتادى، - دەپ حابارلايدى Vesti.kz.

ول - امەريكالىق بوكسشى داۆيد بەناۆيدەس، سۋپەرورتا سالماقتا WBC ۇيىمىنىڭ ۋاقىتشا چەمپيونى 26 جەڭىستىڭ جيىرما ءۇشىن نوكاۋتپەن اياقتاعان.

«ول تۋرالى كوپ ايتىلادى، ءبىراق ءالى لايىق باعاسىن المادى. ادامدار ول تۋرالى ايتقاندا سوزدەرىن ءبىر جەردەن شىعارا الماي جاتادى. مەن ونىڭ ديۆيزيونىندا ونەر كورسەتسەم، وعان قارسى جەكپە-جەككە شىعۋعا قورقار ەدىم. ونىڭ سالماعىندا ونى جەڭەتىندەر جوق. مەن دەرەكتەرگە سۇيەنىپ وتىرمىن»، - دەدى ول.

بەناۆيدەس تايسونعا ءوزىنىڭ وتكەنىن ەسىنە تۇسىرەتىن سياقتى.

«ونىڭ ەڭبەكتەنۋى... بالا كەزىندە كىشكەنتاي دومالاق ەدى عوي. ءبىراق قولىنان نە كەلەتىنىن بۇكىل الەمگە كورسەتكىسى كەلدى. ماعان سەنىڭىز، ۇلى بوكسشىلاردىڭ ءبارى سونداي بولعان - قورعانسىز جانە وزىنە سەنىمى جوق»، - دەيدى بوكسشى.

تايسون بەناۆيدەس پەن ساۋل الۆارەس جەكپە-جەككە شىقسا كىم جەڭەتىنى تۋرالى دا ويىن ايتتى.

«داۆيد رينگتە كىمدى بولسىن سابايدى. سوندىقتان ناقتى بىرەۋلەردى اتاۋدىڭ دا قاجەتى جوق»، - دەدى ول.

سوڭعى جاڭالىقتار