قازاقستاندا قانشا ايەل جۇمىس ىستەيدى؟

استانا. قازاقپارات – ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا قازاقستاندا جۇمىس ىستەيتىن قانشا ايەل بار ەكەنىن ايتتى، - دەپ حابارلايدى قازاقپارات.

«رەسپۋبليكادا 4,3 ميلليون جۇمىسپەن قامتىلعان ايەل بار، بۇل - جۇمىسپەن قامتىلعانداردىڭ جالپى سانىنىڭ 48 پايىزى. ايەلدەردىڭ 35 پايىزى ساۋدا جانە قىزمەت كورسەتۋ سالاسىندا، 32 پايىزى ءبىلىم، دەنساۋلىق ساقتاۋ جانە عىلىم سالاسىندا، 14 پايىزى ونەركاسىپتە، قۇرىلىس جانە كولىكتە، 9 پايىزدان استامى اۋىل شارۋاشىلىعىندا جۇمىس ىستەيدى»، - دەدى دۇيسەنوۆا ۇكىمەت وتىرىسىندا.

ءمينيستردىڭ ايتۋىنشا، وڭىرلىك جۇمىسپەن قامتۋ كارتالارى اياسىندا 536 مىڭ ايەل جۇمىسقا ورنالاستىرىلعان. بۇل - بارلىق جۇمىسپەن قامتىلعان ازاماتتىڭ 55 پايىزى. ال بيىل ەكى ايدا بۇل كورسەتكىش 92 مىڭنان استى.

سونىمەن قاتار، مينيستر قازاقستاندىقتاردىڭ جۇكتىلىككە جانە بالا كۇتىمىنە بايلانىستى قانشا الاتىنىن ايتتى.

«2023-جىلى جۇكتىلىك جانە بوسانۋ بويىنشا الەۋمەتتىك ساقتاندىرۋ مەملەكەتتىك قورىنان 258 مىڭنان اسا ايەل الەۋمەتتىك تولەم الادى. ايەلدەردىڭ تابىسىنا بايلانىستى ولاردىڭ ورتاشا مولشەرى ەكى ايدىڭ قورىتىندىسى بويىنشا شامامەن 900 مىڭ تەڭگە بولدى»، - دەدى مينيستر.