15:40, 07 - ناۋرىز 2023 | GMT +6
شاحتەرلەردىڭ زەينەتكە شىعۋ جاسى تومەندەۋى مۇمكىن
استانا. قازاقپارات - ەلىمىزدە شاحتەرلەردىڭ زەينەتكە شىعۋ جاسى قايتا قارالىپ، ناقتىلانىپ جاتىر. بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ءمالىم ەتتى، دەپ حابارلايدى قازاقپارات ءتىلشىسى.
«ءبىز بۇل ماسەلەنى قاراستىرامىز. سەبەبى زياندى ەڭبەك جاعدايلارى بار، بۇل ورايدا حالىقارالىق تاجىريبەگە سۇيەنەمىز. مىسالى، 15 جىلعا دەيىن زياندى جاعدايدا جۇمىس ىستەۋگە بولادى. ودان ءارى دەنساۋلىققا زيان كەلتىرمەۋى ءۇشىن باسقا جۇمىسقا اۋىسۋى كەرەك. ءبىز قازىر شاحتەرلەردىڭ الەۋمەتتىك قامسىزداندىرىلۋىنا اسەر ەتەتىن جۇمىستىڭ شەكتى كەزەڭىن ناقتىلاپ جاتىرمىز»، - دەدى تامارا دۇيسەنوۆا ۇكىمەت وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرە تۇرىپ.
سونداي-اق، ۆەدومستۆو باسشىسى شاحتەرلەردىڭ 63 جاسقا دەيىن جۇمىس ىستەۋى مۇمكىن ەمەستىگىمەن كەلىسىتىنىن ايتتى.
ايتا كەتەيىك، وسى ۋاقىتقا ەڭبەك داۋلارى مەن جانجالدارىن شەشۋ ءتارتىبىن وڭايلاتاتىن زاڭ قولدانىسقا ەنگەنىن جازعان بولاتىنبىز.