قازاقستاندا قاي قالادا ايەلدەر كوپ تۇرادى؟

الماتى. قازاقپارات - حالىقارالىق ايەلدەر كۇنى قارساڭىندا ق ر ۇلتتىق ستاتيستيكا بيۋروسى قازاقستان ايەلدەرى تۋرالى ستاتيستيكانى جاريا ەتتى، دەپ حابارلايدى قازاقپارات ءتىلشىسى.

ستاتبيۋرونىڭ مالىمەتىنشە، بيىلعى 1-اقپانداعى مالىمەت بويىنشا ەلىمىزدە 10118282 ايەل تۇرادى. ونىڭ ىشىندە 6,3 ميلليون قالادا، 3,7 ميلليون اۋىلدا تۇرادى. وڭىرلەر بولىنىسىندە ايەلدەردىڭ سانى بويىنشا الماتى قالاسى (1157823)، تۇركىستان (1040069) جانە الماتى وبلىستارى (753562) كوش باستاپ تۇر.

قازاقستاندىق قىز-كەلىنشەكتەردىڭ ورتاشا جاسى 33,7 تى قۇرايدى. بۇل كورسەتكىش 2022 -جىلدىڭ باسىمەن سالىستىرعاندا 2,6 جىلعا ۇلعايعان. ايەلدەردىڭ ءومىر ءسۇرۋ ۇزاقتىعى كارانتين بولعان 2020-2021 -جىلداردان كەيىن قايتادان ءوسىپ، 78,3 جاستى قۇرادى.

ەڭبەك نارىعىندا 4302,6 مىڭ ايەل جۇمىسپەن قامتىلعان. ولاردىڭ باسىم كوپشىلىگى ءبىلىم بەرۋ سالاسىندا ەڭبەكتەنەدى - 851 مىڭ، 828 مىڭى كوتەرمە نەمەسە بولشەك ساۋدامەن اينالىسادى، 451 مىڭى اۋىل، ورمان جانە بالىق شارۋاشىلىعى سالاسىندا. 401 مىڭ ايەل دەنساۋلىق ساقتاۋ جانە حالىققا الەۋمەتتىك قىزمەت كورسەتۋ سالاسىندا، تاعى 328 مىڭى ونەركاسىپ سەكتورىندا جۇمىس ىستەيدى. تەك 74 مىڭ ايەل ونەر، ويىن-ساۋىق جانە دەمالىس سالاسىندا جۇمىس ىستەيدى.

ايتا كەتەيىك، 849 مىڭ ايەل - جەكە كاسىپكەرلىك سۋبەكتىلەرىنىڭ باسشىسى، بۇل تىركەلگەن جك- ءنىڭ جالپى سانىنىڭ %53,5 قۇرايدى»، - دەپ حابارلادى ۇلتتىق ستاتبيۋرودا.