تاتارستاننىڭ دەپۋتاتتارى كونستيتۋتسياسىنان «ەگەمەندىك» ءسوزىن الىپ تاستادى
مەملەكەتتىك كەڭەستىڭ دەپۋتاتتارى ايماقتىق كونستيتۋتسياعا وزگەرىس ەنگىزە وتىرىپ، ونداعى «ەگەمەندىك» ءسوزىن الىپ تاستاۋدى ۇسىنعان. ماسەلەن، تۇزەتۋلەر رەسپۋبليكانىڭ مەملەكەتتىك رامىزدەرى تۋرالى زاڭعا ەنگىزىلەدى. قازىر وندا ەلتاڭبا، تۋ جانە ءانۇران «تاتارستان رەسپۋبليكاسىنىڭ ەگەمەندىگىن، حالىقتىڭ وزىندىك ەرەكشەلىگى مەن ءداستۇرىن» بىلدىرەتىنى ايتىلعان.
تۇزەتۋ قابىلداعان ساتتەن باستاپ ەلدىڭ مەملەكەتتىك رامىزدەرى «تاتارستان رەسپۋبليكاسىنىڭ مەملەكەتتىگىن، تاتارستان حالقىنىڭ ءداستۇرى مەن ەرەكشەلىكتەرىن» بىلدىرەتىن دەگەن نۇسقاعا اۋىسادى.
ايتا كەتۋ كەرەك، تاتارستان كونستيتۋتسياسىنىڭ 1-بابىنان رەسپۋبليكا ەگەمەندىگى تۋرالى ۇعىم الىنىپ تاستالعان. جاڭا وزگەرىس بويىنشا وندا «تاتارستان رەسپۋبليكاسى - رەسەي فەدەراتسياسىنىڭ قۇرامىنداعى دەموكراتيالىق قۇقىقتىق مەملەكەت» دەلىنگەن.