الماتى زووباعىندا تۇمسىعى مايىسقان ەرەكشە تىرنا ءومىر سۇرەدى
زووباقتىڭ مالىمەتىنشە، تىرنا بالاپان كۇنىنەن راحيت اۋرۋىنا شالدىعىپ، تۇمسىعى مايىسىپ وسكەن. ونىڭ تۇمسىعىن تۇزەتۋ مۇمكىن بولماعان. الايدا، ول تىرنانىڭ ءومىر ءسۇرۋى مەن تاماقتانۋىنا كەدەرگى ەمەس.
«بۇل تىرناعا جەيتىن ازىق ارنايى بيىك ىدىسقا سالىنىپ بەرىلەدى. ول جارما، سۇلى، ارپا، بيداي، ءسابىز، ىرىمشىك جانە ەت پەن بالىق جەيدى. قيسىق تۇمسىقتى تىرنانىڭ ۇرعاشى جۇبى جىل سايىن ەكى بالاپاننان تۋادى. بۇل تىرنا ءوز بالاپاندارىنا وتە قامقور اكە»، - دەپ جازىلعان اقپاراتتا.
سونداي- اق زووباقتا كەمشىلىگى بار جانۋارلار ەرەكشە كۇتىمگە الىنىپ، ولاردىڭ ءومىر سۇرۋىنە قولدان كەلگەن بارلىق جاعداي جاسالاتىنىن ءمالىم ەتتى.
«ءبىزدىڭ زووباقتا بويىندا سان ءتۇرلى دەرتى بار، دەنەسىندە اقاۋى بار كوپتەگەن جانۋار مەكەندەيدى. سولاردىڭ ءبىرى ديانا اتتى ياگۋار. ونىڭ ءبىر اياعى كەمتار جانە قۇيرىعى جوق. قول- اياعى دۇرىس ىستەمەيتىن سۋريكات، قاناتى قايىرىلعان جامانسارى سياقتى جاۋنارلار بار. مۇنداي جارىمجان جاعدايدا جانۋارلار جابايى تابيعاتتا ءومىر سۇرە الماس ەدى. زووباق ولاردى قامقورلىققا الىپ، جاڭا ءومىر سىيلاپ وتىر. جانۋارلاردى قورعاپ، تابيعاتتى ايالايىق»، - دەيدى زووباق ۇجىمى.
اۆتور
دۋمان ارعىنگەلدى