قار كوشكىنى ءجۇرۋى مۇمكىن: شىعىس قازاقستانداعى تاسجولداردىڭ ءبىرى جابىلدى

وسكەمەن. قازاقپارات - شىعىس قازاقستان وبلىسىندا قار كوشكىنى قاۋپىنە بايلانىستى تاسجولداردىڭ ءبىرى جابىلدى، دەپ حابارلايدى قازاقپارات ءتىلشىسى.

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، وڭىردەگى تاسجولداردىڭ بىرىنە قار كوشكىنى ءتۇسۋى ىقتيمال.

«بۇگىن ساعات 20.00 دەن باستاپ رەسپۋبليكالىق ماڭىزى بار «وسكەمەن- التاي- ۇلكەن نارىن- كاتونقاراعاي- راحمان قاينارلارى» تاسجولىنىڭ 6-166 شاقىرىمىندا (ۋشانوۆ اۋىلى مەن التاي قالاسىنىڭ ارالىعى) كولىكتىڭ بارلىق ءتۇرى ءۇشىن قوزعالىسقا تىيىم سالىنادى»، - دەلىنگەن اقپاراتتا.

وسى رەتتە، قۇتقارۋشىلار ءوڭىر جۇرتشىلىعىنا الىس ساپارعا شىعار الدىندا جولداردىڭ جاي- كۇيىن «دارمەن» موبيلدىك قوسىمشاسى ارقىلى تەكسەرىپ وتىرۋعا كەڭەس بەردى.