20:41, 06 - ناۋرىز 2023 | GMT +6
ايبەك سمادياروۆ بىلتىردان بەرى ۋكراينانىڭ جاڭا ەلشىسىنىڭ بەكىتىلمەۋىنە قاتىستى پىكىر ءبىلدىردى
استانا. قازاقپارات – ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ەلىمىزدە ءبىرازدان بەرى ۋكراينانىڭ جاڭا ەلشىسىنىڭ بەكىتىلمەۋىنە قاتىستى پىكىر ءبىلدىردى، دەپ حابارلايدى قازاقپارات ءتىلشىسى.
«ديپلوماتيالىق تاجىريبەدە بۇل قالىپتى جاعداي. ەلشىنى جىبەرەتىن ۋكراينا جاعى بۇل لاۋازىمعا لايىق ادامدى قاشان بەكىتەتىنىن وزدەرى شەشەدى»، - دەدى ايبەك سمادياروۆ ۆەدومستۆودا وتكەن اپتالىق بريفينگىدە.
وسى ورايدا ول ۋكراينانىڭ جاڭا ەلشىسى قازاقستانعا قاشان كەلەتىنى تۋرالى ناقتى اقپارات جوق ەكەنىن ايتتى.
ايتا كەتەيىك، ۋكراينانىڭ قازاقستانداعى بۇرىنعى ەلشىسى پەتر ۆرۋبليەۆسكي 21- تامىزدا قازاقستاندىق بلوگەر دياس قۇزايىرعا سۇحبات بەرىپ، ءتيىستى مالىمدەمە جاساعان ەدى. كەيىن ول ق ر سىرتقى ىستەر مينيسترلىگىنە شاقىرىلدى.
بىلتىر جەلتوقسان ايىندا ۋكراينا جاعى وزدەرىنىڭ جاڭا ەلشىسىنىڭ كانديداتۋراسىن ۇسىنعانى حابارلاندى.