قايرات وماروۆ ب ۇ ۇ باسشىلىعىمەن كەزدەسەدى

استانا. قازاقپارات – ق ر سىرتقى ىستەر ءمينيسترىنىڭ ءبىرىنشى ورىنباسارى قايرات وماروۆ ب ۇ ۇ باسشىلعىمەن كەزدەسەدى.

بۇل تۋرالى مينيسترلىكتىڭ رەسمي وكىلى ايبەك سمادياروۆ ايتتى، دەپ حابارلايدى قازاقپارات ءتىلشىسى.

«ق ر سىرتقى ىستەر ءمينيسترىنىڭ ءبىرىنشى ورىنباسارى قايرات وماروۆ (5-7- ناۋرىزدا) دوحا قالاسىندا ءوتىپ جاتقان بىرىككەن ۇلتتار ۇيىمىنىڭ ناشار دامىعان ەلدەر بويىنشا بەسىنشى كونفەرەنتسياسىنا قاتىسىپ جاتىر. قازاقستان دەلەگاتسياسى باسشىسىنىڭ جالپى پىكىرتالاس كەزىندە ءسوز سويلەۋى، سونداي- اق بۇۇ باسشىلىعىمەن جانە شەتەلدىك دەلەگاتسيالار باسشىلارىمەن ءبىرقاتار ەكىجاقتى كەزدەسۋى جوسپارلانىپ وتىر»، - دەدى ا. سمادياروۆ ۆەدومستۆودا وتكەن اپتالىق بريفينگىدە.

بۇدان بولەك، 2023-جىلعى 10- ناۋرىزدا ەلورداداعى قازاقستان سىرتقى ىستەر مينيسترلىگىنىڭ عيماراتىندا ب ۇ ۇ- نىڭ قازاقستانداعى قىزمەتىنىڭ 30 جىلدىعىنا وراي بريفينگى جانە 2021-2025-جىلدارعا ارنالعان ب ۇ ۇ- نىڭ ورنىقتى دامۋ ماقساتىنداعى ىنتىماقتاستىق بويىنشا نەگىزگى باعدارلاماسىنىڭ اتقارۋشى كوميتەتىنىڭ وتىرىسى وتەدى.

«ءىس-شاراعا قازاقستان سىرتقى ىستەر ءمينيسترىنىڭ ءبىرىنشى ورىنباسارى قايرات وماروۆ، ب ۇ ۇ- نىڭ قازاقستانداعى تۇراقتى ۇيلەستىرۋشىسى ميكاەلا فريبەرگ-ستوري، ب ۇ ۇ اگەنتتىكتەرىنىڭ باسشىلارى مەن ديپلوماتيالىق كورپۋس قاتىسادى»، - دەدى رەسمي وكىل.