سىرتقى ىستەر مينيسترلىگى قازاقستان مەن وزبەكستان پرەزيدەنتتەرىنىڭ كەزدەسۋىنە قاتىستى تۇسىنىك بەردى

استانا. قازاقپارات – ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ قازاقستان پرەزيدەنتى قاسىم-جومارت توقايەۆ پەن وزبەكستان پرەزيدەنتى شاۆكات ميرزيەيەۆتىڭ بەيرەسمي كەزدەسۋىنە قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«ەكى ەل اراسىندا ءوزارا ساۋدا جاقسى دامىپ كەلەدى. سونىمەن قاتار، ترانزيتتىك الەۋەت پەن مادەني بايلانىستارىمىز جوعارى دەڭگەيدە. سوندىقتان اتالعان كەزدەسۋدىڭ قازاقستاننىڭ باسقا قالالارىندا ەمەس، ناقتى شىمكەنتتە ءوتۋى كوڭىلگە قونىمدى»، - دەدى ا. سمادياروۆ ۆەدومستۆودا وتكەن اپتالىق بريفينگىدە.

وسى ورايدا مەملەكەت باسشىلارى كەزدەسىپ، ەكى ەلگە قاتىستى تاقىرىپتاردى ەمىن-ەركىن تالقىلاۋى وتە ماڭىزدى ەكەنىن ايتتى.

«ورتالىق ازياداعى ەلدەردىڭ باسشىلارى كەز كەلگەن ۋاقىتتا كەزدەسىپ، باۋىرلاس حالىقتار رەتىندە كەيبىر ماسەلەلەردى ەمىن-ەركىن تاقىلاۋى قۋانتارلىق جاعداي»، - دەدى رەسمي وكىل.

بۇدان بۇرىن حابارلانعانداي، مەملەكەت باسشىسى قاسىم-جومارت توقايەۆ شىمكەنت قالاسىندا وزبەكستان پرەزيدەنتى شاۆكات ميرزيەيەۆپەن بەيرەسمي كەزدەسۋ وتكىزدى.