19:12, 06 - ناۋرىز 2023 | GMT +6
تۇركياداعى اپاتتان امان قالعان سابينا مامادياروۆا ەلگە ورالدى
استانا. قازاقپارات - تۇركيادا جەر سىلكىنگەندە امان قالعان سابينا مامادياروۆا قازاقستانعا ورالدى. بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ءمالىم ەتتى، دەپ حابارلايدى قازاقپارات ءتىلشىسى.
«ول اۋرۋحانادا ەمدەلىپ جاتقان كەزەڭدە ءبىزدىڭ كونسۋل تۇراقتى بايلانىستا بولدى. سابينا مامادياروۆانىڭ جانىنا جاقىن تۋىستارى دا باردى. ول قازاقستانعا ورالدى»، - دەدى ا. سمادياروۆ مينيسترلىكتە وتكەن اپتالىق بريفينگىدە.
وسى ورايدا ول سىرتقى ىستەر مينيسترلىگى قازاقستان ازاماتىنىڭ ەلگە ساپارىن ۇيىمداستىرۋعا كومەكتەسكەنىن ايتتى.
بۇدان بۇرىن حابارلانعانداي، بيىل 8- اقپاندا تۇركياداعى تابيعي اپاتتان كەيىن حابارسىز كەتكەن سابينا مامادياروۆا امان تابىلعانى جاريالاندى.
كوپ ۇزاماي ونىڭ قولىنا وتا جاسالدى.