تۇركى ەلدەرىنىڭ جازۋشىلار وداعى قۇرىلدى

استانا. قازاقپارات - تۇركسوي ۇيىمىنىڭ باس حاتشىسى سۋلتان رايەۆتىڭ باستاماسىمەن تۇركى الەمىنىڭ جازۋشىلار وداعى بىرىكتى، دەپ حابارلايدى قازاقپارات.

بۇل جايىندا تۇركى مەملەكەتتەرى ۇيىمىنىڭ وكىلى باقىتجان ومار Facebook پاراقشاسىندا مالىمدەدى.

ونىڭ ايتۋىنشا، بۇگىن ازەربايجان، قازاقستان، قىرعىزستان، وزبەكستان، تۇركيا جانە تۇركمەنستاننىڭ جازۋشىلار وداعى ءتوراعالارى وداق قۇرۋ جونىندەگى كەلىسىمگە قول قويعان.

«تۇركى الەمىندە العاش رەت قۇرىلىپ وتىرعان وداقتىڭ ءتوراعالىعىنا ۇلىقبەك ورازباي ۇلىنىڭ كانديداتۋراسى ۇسىنىلىپ، ءبىراۋىزدان ماقۇلداندى. اعامىز بۇل جۇمىستى قازىرگى قىزمەتىمەن قاتار الىپ جۇرەدى. تۇركى دۇنيەسىنىڭ جازۋشىلارى ەندى كوپتەگەن جوبالاردى بىرگە اتقارادى»، - دەپ جازادى باقىتجان ومار.