اتىراۋدا جايىق جاعاسىنان بىلتىرعى قاڭتاردا ۇرلانعان قارۋ- جاراقتار تابىلدى

اتىراۋ. قازاقپارات - اتىراۋدا جايىق جاعاسىنان بىلتىرعى قاڭتاردا ۇرلانعان قارۋ- جاراقتار تابىلدى، دەپ حابارلايدى قازاقپارات ءتىلشىسى.

وبلىستىق پوليسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، قاڭتار وقيعاسى كەزىندە ۇرلانعان قارۋ- جاراقتار 28-اقپاندا تابىلعان.

«پوليسيا قىزمەتكەرلەرى «قارۋ» جەدەل- پروفيلاكتيكالىق ءىس- شاراسى كەزىندە جايىق وزەنىنىڭ اقساي ەلدى مەكەنى تۇسىنداعى جاعالاۋىنان قاڭتار وقيعاسى كەزىندە ۇرلانعان قارۋ- جاراقتىڭ ساقتالعان جەرىن انىقتادى. تەكسەرۋ كەزىندە وبلىستىق پوليتسيا دەپارتامەنتىنىڭ جەدەل ارەكەت ەتەتىن ارنايى جاساعىنا تيەسىلى «فورت – 500 م» ماركالى مىلتىعى، 3 دانا 12 م م كاليبرلى پاترون، 2 دانا «گ س ز د ك-130 س گ» ماركالى گراناتا، 1 دانا «پر 54» رەزەڭكە تاياقشا مەن جەكە قورعانىس قۇرالدارى، وق وتپەيتىن كەۋدەشە، كاسكالار تابىلدى»، - دەپ حابارلادى دەپارتامەنتتىڭ باسپا ءسوز قىزمەتى.

قازىر ۇرلانعان قارۋ- جاراقتاردىڭ تابىلعانىنا بايلاانىستى ق ر قىلمىستىق كودەكسىنىڭ 287-بابىنىڭ 2-بولىگىمەن قىلمىستىق ءىس قوزعالدى. سوتقا دەيىنگى تەرگەپ- تەكسەرۋ جۇمىستارى باستالدى.

وزگە اقپارات ق ر قىلمىستىق- پروتسەستىك كودەكستىڭ 201-بابىنا سايكەس جاريالاۋعا جاتپايدى.

ەسكە سالا كەتەلىك، بۇدان بۇرىن جايىق وزەنىنىڭ جاعاسىنان قارۋ مەن وق- دارىلەر تابىلعانىن حابارلاعان بولاتىنبىز.

اتىراۋ قالالىق پوليتسيا باسقارماسىنىڭ 102 جەلىسىنە شاھار تۇرعىنى جايىق وزەنىنىڭ جاعالاۋىنان قاپشىققا ورالعان قارۋ تارىزدەس زات پەن وق- دارىلەردى كورگەنى تۋرالى حابارلاعان. وسىعان وراي جەدەل تەرگەۋ توبىمەن وقيعا ورنىندا تەكسەرۋ جۇرگىزگەن.

جايىق جاعالاۋىنان تابىلعان قاپشىقتا قوس اۋىزدى تەگىس ۇڭعىلى قارۋ مەن وق- دارىلەر بولعان.

سونداي- اق، قاڭتار وقيعاسىنا قاتىسقان 27 اتىراۋلىقتىڭ ىسىنە قاتىستى سوت ۇكىمى شىققانىن جازعان ەدىك.