استانا ح ق و- سىندا ءتولقۇجات پەن جەكە كۋالىك راسىمدەيتىن تەرمينالدار ورناتىلدى

استانا. قازاقپارات - ەلوردانىڭ جاڭا حالىققا قىزمەت ەتۋ ورتالىعىندا «قۇجاتتاندىرۋ تەرمينالدارى» ورناتىلدى، دەپ حابارلايدى قازاقپارات ءتىلشىسى.

ىشكى ىستەر مينيسترلىگى سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىمەن بىرلەسىپ، قازاقستاندا العاش رەت «قۇجاتتاۋ تەرمينالى» ارقىلى ازاماتتارعا پاسپورت پەن جەكە كۋالىكتى راسىمدەيتىن پيلوتتىق جوبانى ىسكە قوسۋدا. ەندى كەز كەلگەن ازامات ءتولقۇجات نەمەسە جەكە كۋالىك الۋعا ءوتىنىمدى دەربەس جاساي الادى.

«تەرمينال ق ر ءى ءى م دەرەكقورىنداعى فوتوسۋرەت بويىنشا جەكە تۇلعانى بيومەتريالىق سايكەستەندىرۋ كامەرالارىمەن، قولتاڭبانى وقۋ ءۇشىن سكانەرمەن جانە مەملەكەتتىك باجدى تولەۋ ءۇشىن QR- كودپەن جابدىقتالعان. ونى پايدالانۋ ءۇشىن كليەنت بارلىق دەرەكتەردى تولتىرىپ، بيومەتريالىق سايكەستەندىرۋدەن ءوتىپ، سۋرەتكە ءتۇسىپ، قول قويىپ، QR كودى بويىنشا قىزمەتكە اقى تولەۋى كەرەك»، - دەدى ىشكى ىستەر مينيسترلىگىنىڭ ونلاين-بريفينگىندە ۆەدومستۆو وكىلى شۇعىلا تۇرلىبەك.

تەرمينال ارقىلى ءوتىنىم بەرگەن سوڭ، قىزمەت الۋشى كوشى-قون قىزمەتكەرىنە جۇگىنۋى قاجەت. ول ءوتىنىشتىڭ، فوتوسۋرەتتىڭ جانە قولتاڭبانىڭ سايكەستىگىن تەكسەرەدى. پروتسەسس بىرنەشە مينۋتقا سوزىلادى.

«بۇل ىڭعايلى جانە جىلدام. ح ق ك و- دا دايىن قۇجاتتاردى بەرۋدىڭ اۆتوماتتاندىرىلعان پۋنكتى جۇمىس ىستەيدى. تۇتاستاي العاندا، بۇل تەحنولوگيا مەملەكەت ۇسىناتىن قىزمەتتەردىڭ ساپاسى مەن جىلدامدىعىن ارتتىرادى، قۇجات راسىمدەۋ مەرزىمىن ەداۋىر قىسقارتادى، سىبايلاس جەمقورلىق تاۋەكەلدەرىن ازايتادى، ويتكەنى بارلىق پروتسەستەر اشىق بولادى»، - دەدى ش. تۇرلىبەك.