11:38, 06 - ناۋرىز 2023 | GMT +6
اتاقتى كۇيشى قازانعاپتىڭ دومبىراسىنىڭ كوشىرمەسى جاسالدى - ۆيدەو
استانا. قازاقپارات - اتاقتى كۇيشى قازانعاپتىڭ دومبىراسىنىڭ كوشىرمەسى قىزىلوردا مۋزەيى قورىنا تابىستالدى، - دەپ حابارلايدى «حابار 24».
قىزىلوردا وبلىستىق تاريحي- ولكەتانۋ مۋزەيىنىڭ قورى كومپوزيتور ءارى كۇيشى قازانعاپ تىلەپبەرگەن ۇلىنىڭ دومبىراسىنىڭ كوشىرمەسىمەن تولىققان.
قازانعاپ - 124 كۇيدىڭ اۆتورى. ونىڭ دومبىراسىنىڭ كوشىرمەسىن جەرگىلىكتى شەبەرلەر جاساعان. ساراپشىلاردىڭ ايتۋىنشا، قۇندى جادىگەر الماتىداعى ىقىلاس اتىنداعى حالىق مۋزىكالىق اسپاپتارى مۋزەيىندە ساقتالعان ءتۇپنۇسقادان ەش ايىرماشىلىعى جوق.
«دومبىرانىڭ كوشىرمەسى ءبىزدىڭ تاپسىرىسىمىز بويىنشا ارنايى جاسالعان. ونى جەرگىلىكتى شەبەر جاسادى. سالماعى - 400 گرامم، ال ۇزىندىعى - 91 سانتيمەتر. بۇل ەكسپونات وسكەلەڭ ۇرپاقتىڭ رۋحاني دامۋىنا ءوز ۇلەسىن قوساتىنىنا سەنىمدىمىز»، - دەيدى قازانعاپ اتىنداعى قىزىلوردا مۋزىكالىق كوللەدجىنىڭ ديرەكتورى ۇلجان بايبوسىنوۆا.