سۋىققا توڭبايتىن ادام ەرەكشە قابىلەتىمەن بۇكىل الەمدى تاڭعالدىردى

استانا. قازاقپارات - گوللانديالىق ۆيم حوف ءوزىنىڭ سۋىقتى سەزبەيتىن ەرەكشە قابىلەتىمەن بۇكىل الەمدى تاڭعالدىردى.

ادام اعزاسى ءۇشىن وتە تومەن تەمپەراتۋرا ونىڭ دەنەسىنە اسەر ەتپەيدى، دەپ حابارلايدى Egemen.kz.

ۆيم حوف توعىز الەمدىك رەكورد جاسادى. ول 2000 -جىلى 57,5 ​​مەتردى 61 سەكۋندتا ءجۇزىپ وتكەن. ءبىر قاراعاندا، تاڭعالارلىق ەشتەڭە جوق، ءبىراق بۇل ءجۇزۋ فينلياندياداعى قاتىپ قالعان كولدىڭ، ياعني مۇز استىندا بولعان. ادەتتەگىدەي ول تەك جىلى لەگگينستەر مەن شۇلىقتار كيەتىن. 2006 -جىلى جاي شورتىمەن مونبلاندى باعىندىردى.

كەلەسى جىلى ول بارلىق الپينيستەردىڭ ارمانى - ەۆەرەستتى باعىندىرۋعا تىرىستى. ءبىراق ول تەك ءىش كيىمىمەن تاۋعا قايتا كوتەرىلگەندىكتەن، ونىڭ اياقتارىنىڭ باشپايلارىن ۇسىك شالعان. 2008 -جىلى ۆيم مۇز تولتىرىلعان شىنى ىدىسقا وتىرىپ، ءوزىنىڭ رەكوردىن جاسادى. بۇعان دەيىن ول جەردە 64 مينۋتتاي تۇرسا، ەندى جاڭا الەمدىك رەكورد - 73 مينۋت بولدى. عالىمدار ءۇشىن گوللانديالىق ازامات ءالى اشىلماعان جۇمباق بولىپ قالا بەرەدى. كوپتەگەن سۇحباتتارىندا حوف بۇل تەك دەنە مەن رۋحتى قاتتى جاتتىقتىرۋدىڭ ناتيجەسى ەكەنىن ايتادى.

قالاي دەسەك تە، مۇنداي قابىلەت - ۇزاق دايىندىقتىڭ، توزىمدىلىك پەن قايسارلىقتىڭ جەمىسى.