سۋ تۇبىندەگى «تيتانيككە» بارۋ ءۇشىن ساياحاتشى قانشا تولەيدى؟
ءسىز ءوز كوزىڭىزبەن سۋ تۇبىندەگى توت باسقان ايگىلى كەمەنى كورە الاسىز، الايدا مۇنداي «باقىت» 250 مىڭ ەۋرو تۇرادى، - دەپ حابارلايدى Tengritravel.kz ءتىلشىسى Euronews باسىلىمىنا سىلتەمە جاساپ.
امەريكالىق OceanGate كوماپنياسى سۋعا باتقان «تيتانيككە» جىلسايىنعى ەكسپەديتسيا جاساۋعا دايىندالىپ جاتىر. ونىڭ كەلەسى ساپارى 2023 -جىلى مامىرعا جوسپارلانعان.
وسى ۇنگە دەيىن سۋ تۇبىندەگى كەمەنى كورگەندەر 250 ادامعا جەتپەيدى.
«بۇل»ميسسيا ماماندارىنا«(كومپانيا ەكيپاج مۇشەلەرىن وسىلاي اتايدى) جوعارعى دەڭگەيدەگى جاۋاپكەرشىلىكتى قويۋعا مىندەتتەيدى، الايدا سونىمەن بىرگە باعا جەتپەس ارتىقشىلىقتار بەرەدى. ەگەر ءسىز سۋ تۇبىنە كوماندامەن بىرگە تۇسۋگە دايىن بولساڭىز، وندا ءسىزدىڭ جاسىڭىز 18 دەن اسقان، كىشىگىرىم تەڭىز كولىكتەرىن باسقارا الۋىڭىز كەرەك، اياقتارىڭىز مىقتى بولۋى كەرەك، تەكپەشەكپەن شىعۋدى جانە اۋىر زاتتاردى تاسۋعا دايىن بولۋىڭىز كەرەك. ارينە، سونىمەن قاتار شىعىنداردى وتەۋ ءۇشىن، ونىڭ ىشىندە ەكسپەديتسيا كەزىندەگى قولداۋ جانە جاتتىعۋ اقىسىن وتەۋگە 250 مىڭ ەۋروڭىز (118 ميلليون تەڭگە) بولۋى قاجەت»، - دەپ جازادى باسىلىم.
ەگەر ءسىز كومانداعا وتسەڭىز، ءسىز «تيتان» سۋ استى كەمەسىمەن سەگىز كۇندىك ساپارعا اتتاناسىز.
«كەمە ءسىز ويلاعانداي اپاتقا ۇشىراعان كەمەنىڭ اتىمەن ەمەس، ساتۋرننىڭ سەرىگىنىڭ اتىمەن اتالعان. ەكيپاج مۇشەلەرى اپات بولعان جەردى ەگجەي-تەگجەيلى قۇجاتتاۋعا، 4K بەينە مەن 3D لازەرلىك سكانەرلەۋ جانە ۋلترادىبىستىق لوكاتور ارقىلى تەڭىز بيولوگياسى مەن ارحەولوگياسىن زەرتتەۋگە كومەكتەسەدى»، - دەيدى ساپاردى ۇيىمداستىرۋشىلار.