پرەزيدەنت تەلەراديوكەشەنى مەن يزرايلدىڭ اقپارات اگەنتتىگىمەن ىنتىماقتاستىققا جانە اقپارات الماسۋعا ۋاعدالاستى
مەموراندۋمدى ق ر پرەزيدەنتى تەلەراديوكەشەنىنىڭ باس ديرەكتورى راۋشان قاجىبايەۆا مەن «Tazpit Press Service» ا ا باس ديرەكتورى اموتتس ەيال راسىمدەدى.
قۇجات مەديا- كونتەنت الماسۋ، بىرلەسكەن مەديا- ءوندىرىس، ادامي كاپيتالدى دامىتۋ، ۇلتتىق جانە حالىقارالىق دەڭگەيدە ءبىر- ءبىرىن ىلگەرىلەتۋ سالالارىنداعى ءوزارا سەرىكتەستىك قارىم- قاتىناس ورناتۋعا باعىتتالعان.
پرەزيدەنت ت ر ك باس ديرەكتورى ر. قاجىبايەۆانىڭ ايتۋىنشا، مادەني- گۋمانيتارلىق بايلانىس حالىقتار مەن مەملەكەتتەر اراسىنداعى قاتىناستى دامىتۋ ءۇشىن نەگىز قالىپتاستىرادى.
ر. قاجىبايەۆا اتاپ وتكەندەي، «بۇعان اقپاراتتىق سالاداعى ءوزارا ءىس- ارەكەت سەپتىگىن تيگىزەدى. وسى تۇرعىدان العاندا اقپاراتتىق ماتەريالدارمەن الماسۋ، بىرلەسكەن جوبالار قۇرۋ، ءتۇرلى وقيعالاردى جازىپ كورسەتۋدەگى ارىپتەستەردىڭ تاجىريبەسىن زەردەلەۋ ەلدەرىمىز اراسىنداعى قارىم- قاتىناستى نىعايتادى».
ءوز كەزەگىندە، «TPS» ا ا باس ديرەكتورى ا. ەيال قازاقستاندىق مەديامەن ىنتىماقتاستىق ورناتۋ ماڭىزدىلىعىنا نازار اۋدارىپ، بۇگىن قول قويىلعان مەموراندۋم «قازاقستان مەن ءيزرايلدىڭ ەكى جەتەكشى مەديا- كومپانياسىنىڭ تابىستى ىنتىماقتاستىعى باستاۋىنىڭ قادامى» سانالاتىندىعىن ايتتى.
بۇگىن قول قويىلعان ىنتىماقتاستىق تۋرالى مەموراندۋم پرەزيدەنت تەلەراديوكەشەنىنىڭ «Saudi Press Agency» «Trend» «Yonhap»، «Armenpress» سىندى شەتەلدىڭ جەتەكشى مەديا- كومپانيالارىمەن حالىقارالىق كەلىسىمى پۋلىن تولىقتىرا ءتۇستى.
ق ر پرەزيدەنتىنىڭ تەلەراديوكەشەنى قازاقستاننىڭ ءىرى مەديا- كومپانياسى سانالادى. ونىڭ قۇرامىنا Jibek Joly رەسپۋبليكالىق تەلەارناسى، Silk Way حالىقارالىق تەلەارناسى، «قازاقپارات» ح ا ا جانە دەرەكتى كينو ورتالىعى كىرەدى.
«Tazpit Press Service» ا ا - ءيزرايلدىڭ 2010 -جىلدان بەرى جۇمىس ىستەيتىن ءىرى اقپارات اگەنتتىگى. ول ەلدە جانە وڭىردە جاڭالىق ماتەريالدارىن ازىرلەۋدى جانە تاراتۋدى قامتاماسىز ەتەدى.