ديماش قۇدايبەرگەن الەمدىك تۋرعا قاتىساتىن بيشىلەرگە كاستينگ جاريالادى
«ديماش قۇدايبەرگەن ءوزىنىڭ Stranger الەمدىك تۋرىنا قاتىسۋ ءۇشىن كاسىبي بيشىلەردى ىزدەيدى. ىرىكتەۋگە قاتىسۋعا حيپ- حوپ جانە كونتەمپوراري ستيلىندە جۇمىس ىستەيتىن بارلىق مۇددەلى بيشىلەر شاقىرىلادى»، - دەلىنگەن سايتتا جاريالانعان حابارلامادا.
ۇمىتكەرلەردى ءارتىستىڭ كومانداسى ىرىكتەيدى. ىرىكتەۋدىڭ ءبىرىنشى كەزەڭىنەن وتكەن بيشىلەر الەۋمەتتىك جەلى ارقىلى جەكە حابارلامالار الادى جانە وفلاين رەجيمىندە وتەتىن كاستينگتىڭ سوڭعى كەزەڭىنە شاقىرىلادى.
ايتا كەتسەك، Stranger تۋرى اياسىنداعى كونسەرتتەر 29 -ساۋىردە ەريەۆاندا كارەن دەميرچيان اتىنداعى سپورت- كونسەرت كەشەنىندە جانە 6-مامىردا انتاليادا Akdeniz University Stadium ستاديونىندا وتەدى.
ەسكە سالايىق، قازاقستاندىق تانىمال ءانشى ديماش قۇدايبەرگەن «Stranger» الەمدىك تۋرنەسىنەن تۇسكەن قاراجاتتىڭ ءبىر بولىگىن تۇركيادا ءزىلزالادان زارداپ شەككەندەرگە اۋداراتىنى حابارلانعان ەدى.
رەداكتور
گۇلنۇر عازيز قىزى