قۇسبەگىلەر چەمپيوناتىندا ارمانبەك كۇنتۋعان ۇلى «قاراشولاق» قىرانىمەن ەل چەمپيونى اتاندى
چەمپيوناتقا استانا، الماتى قالالارىمەن بىرگە، اقمولا، قاراعاندى، جامبىل، شىعىس قازاقستان، تۇركىستان، ماڭعىستاۋ، پاۆلودار، اتىراۋ، اباي، جەتىسۋ، ۇلىتاۋ وبلىستارىنىڭ وبلىستارىنان 50-گە جۋىق قۇسبەگى قاتىستى. ولار 31 بۇركىت، 11 قارشىعا مەن 10 يتەلگىنى سىنعا ءتۇسىردى.
بۇگىن اقتىق سىندا 5 بۇركىتتىڭ ەكى شارتتى ورىنداۋ شەبەرلىگى تەكسەرىلدى. ونىڭ ءبىرى - قاسقىرعا شۇيلىگۋ. ال، ەكىنشىسى - شىرعاعا تارتۋ. وسىنداي سىننىڭ قورىتىندىسىمەن استانا قالاسىنىڭ تۇرعىنى سەرىكبەك كۇنتۋعان «العىر»، اتىراۋلىق ارمان قوشقاروۆ «نارىن» بۇركىتىمەن 3-جۇلدەگە يە بولدى. سايىسقا «زاڭعار» بۇركىتىن قوسقان اباي وبلىسىنىڭ وكىلى ەرزات بايقاداموۆ 2-ورىندى يەلەندى. ال، ەلوردالىق ارمانبەك كۇنتۋعان ۇلى «قاراشولاق» قىرانىمەن ەل چەمپيونى اتاندى.
بۇل چەمپيوناتتا سايىسقا تۇسكەن قارشىعالار ناعىز بابىندا ەكەنى بايقالدى. قارشىعالار سايىسىندا ءۇشىنشى ورىندى استانالىقتار - كۇنتۋعان سەرىكبەك «نايزاتۇياق»، قۇدايبەرگەن راۋيل ۇلى «چيپوك» اتالاتىن قۇسىمەن يەلەندى. ال، تۇركىستان وبلىسىنىڭ تۇرعىنى باعدات كەۋەنوۆ «تارلان» قارشىعاسىمەن ەكىنشى جۇلدەگە قول جەتكىزدى. تاعى ءبىر تۇركىستاندىق داۋرەن ارشاباي باپتاعان «تۇيعىن» ءبىرىنشى جۇلدەگە يە بولدى.
يتەلگىلەر سايىسى قىزىقتى ءوتتى. بۇل سايىستا تۇركىستاندىق قوس قۇسبەگىنىڭ يتەلگىسى ءۇشىنشى جۇلدەنىڭ يەسى اتاندى. ولار - يبراگيم بازاربايەۆتىڭ «قاراكوزى» مەن باعدات كەۋەنوۆتىڭ «تۇمارى». ەكىنشى ورىن جامبىل وبلىسىنان قاتىسقان باقداۋلەت باباجاننىڭ «قاراكوز» اتتى يتەلگىسىنە بەرىلدى. ءبىرىنشى جۇلدەنى اقمولا وبلىسىنىڭ نامىسىن قورعاعان ەرلان كەنجەتايەۆتىڭ «اقباس» اتاۋى بار يتەلگىسى يەلەندى.
ەسكە سالا كەتەلىك، بۇعان دەيىن اتىراۋدا قۇسبەگىلەردىڭ رەسپۋبليكالىق چەمپيوناتى ءوتىپ جاتقانىن جازعان ەدىك.
رەسپۋبليكالىق قۇسبەگىلىك فەدەراتسياسىنان چەمپيوناتقا قاتىسۋشىلارعا كۇن رايى كەدەرگى كەلتىرىپ تۇرعانىن ءمالىم ەتكەن بولاتىن.
اۆتور
بەك مۇستافا